पुढारी ऑनलाइन डेस्क : ॲमेझॉनवर राधा आणि कृष्णाच्या 'आक्षेपार्ह' चित्रांची विक्री होत असल्याबद्दल हिंदू जनजागृती समितीने शुक्रवारी पोलिसांत निवेदन दिल्यानंतर #Boycott_Amazon हा ट्रेंड सुरू झाला.
ई-कॉमर्समधील दिग्गज कंपन्या राधा आणि कृष्णाची 'आक्षेपार्ह' चित्रे विकत असल्याचे हिंदू जनजागृती समितीने शुक्रवारी सांगितल्यानंतर ट्विटर वापरकर्त्यांनी #Boycott_Amazon हा हॅशटॅग ट्रेंड करण्यास सुरुवात केली.
हिंदू संघटनेच्या सदस्यांनी बेंगळुरूच्या सुब्रमण्य नगर पोलिस ठाण्यात ॲमेझॉनवर कारवाई करण्याची विनंती करणारे निवेदन सादर केले.
प्रतिमा विक्रेत्यांच्या म्हणण्यानुसार, जन्माष्टमी सेल अंतर्गत ते पेंटिंग 'एक्सोटिक इंडियाने' त्यांच्या वेबसाइटवर विकले होते. 18 आणि 19 ऑगस्ट रोजी कृष्ण जन्माष्टमी साजरी करण्यात आली.
हिंदू जनजागृती समितीने नंतर सांगितले की तक्रारीनंतर Amazon आणि Exotic India या दोघांनी त्यांच्या वेबसाइटवरून पेंटिंग काढून टाकले. ते पुढे म्हणाले, "पण हे पुरेसे नाही. Amazon आणि Exotic India या दोघांनीही बिनशर्त माफी मागितली पाहिजे आणि हिंदूंच्या भावना पुन्हा कधीही दुखावल्या जाणार नाहीत याची शपथ घेतली पाहिजे. ॲमेझॉनने या वादावर अद्याप कोणतेही वक्तव्य जारी केलेले नाही.
ॲमेझॉनने यापूर्वीही अशा प्रकारे राष्ट्रीय प्रतिक आणि हिंदू देवी देवतांची आक्षेपार्ह चित्रे विक्रीसाठी ठेवून येथील लोकांच्या भावना दुखावल्या होत्या. त्यामुळे भारताने यावर काही तरी स्टॅण्ड घ्यायला हवा, जेणेकरून ॲमेझॉन पुन्हा असे काहीही करणार नाही, असे हिंदू जनजागृती समितीच्या नेत्याने ट्वीट करून म्हटले आहे.
