- Epaper
- Home
- राष्ट्रीय
- आंतरराष्ट्रीय
- संपादकीय
- मनोरंजन
- विश्वसंचार
- फीचर्स
- स्पोर्ट्स
- व्हिडिओ गॅलरी
- मुंबई/कोकणमुंबई/कोकण
- पुणे/पश्चिम महाराष्ट्रपुणे/पश्चिम महाराष्ट्र
- मराठवाडामराठवाडा
- उत्तर महाराष्ट्रउत्तर महाराष्ट्र
- विदर्भविदर्भ
पुढारी ऑनलाईन: टेस्ला आणि ट्विटर कंपनीचे सीईओ एलन मस्क यांनी फ्रेंच उद्योगपती लक्झरी टायकून बर्नार्ड अरनॉल्ट यांना मागे टाकत जगातील सर्वात श्रीमंत व्यक्ती बनले आहेत. यापूर्वी डिसेंबर २०२२ मध्ये फ्रेंच उद्योगपती अरनॉल्ट यांनी एलन मस्क यांंना मागे टाकले होते. आता पुन्हा टेस्ला, ट्विटरचे प्रमुख एलन मस्क (Elon musk) हे जगातील सर्वात श्रीमंत व्यक्ती बनले आहेत, असे वृत्त एएनआयने दिले आहे.
पॅरिसच्या बुधवारी (दि.३१) मार्केटमध्ये उद्योगपती अरनॉल्ट यांच्या LVMH कंपनीचे शेअर्स २.६ टक्क्यांनी कोसळले. असे ब्लूमबर्गने दिलेल्या वृत्तात स्पष्ट (Elon musk) केले आहे. एप्रिलपासून, LVMH चे बाजारमूल्य सुमारे १० टक्क्यांनी घसरले आहे. दरम्यान एका क्षणाच्या बाजारातील अस्थिरतेने LVMH चे मालक ७४ वर्षीय फ्रेंच उद्योगपती लक्झरी टायकून बर्नार्ड अरनॉल्ट यांच्या संपत्तीत तब्बल ११ अब्ज डॉलरची घसरण झाली आहे.
यापूर्वी डिसेंबर २०२२ मध्ये मस्क (Elon musk) यांच्या टेस्ला कंपनीच्या मूल्यात मोठी घसरण झाली होती, तेव्हा लुईस व्हिटॉन्स मोएट हेनेसीचे सीईओ अरनॉल्ट यांनी एलन मस्क यांना पाठेमागे टाकत, जगातील सर्वात श्रीमंत व्यक्ती बनले होते. यानंतर पुन्हा टेस्लाने मुसंडी घेत फ्रेंच उद्योगपती लक्झरी टायकून बर्नार्ड अरनॉल्ट यांना मागे टाकत एलन मस्क पुन्हा जगातील सर्वात श्रीमंत व्यक्ती बनले आहे.
