आजच्या घडीला दीपिका पादुकोण ही बॉलिवुडमधील आघाडीची अभिनेत्री आहे. तिने आपल्या अभिनयाच्या कारकीर्दीत एका पेक्षा एक चित्रपट करत आपल्या अभिनयाची झलक दाखवली आहे. ओम शांती ओम मधील शांतीप्रिया/संध्या, पीकु मधील पीकु बॅनर्जी, छपाक मधील मालती, हॅप्पी न्यु इयर मधील मोहीनी, पदमावत मधील पदमावती या तिच्या भुमिका खुप गाजल्या. वेगवेगळ्या स्वरुपात आणि माध्यमातुन तिच्या या भुमिकांचे कौतुक चाहत्यांनी केले. पण तिच्या काही फॅन्सनी या भुमिकांचे स्केचेस आणि पोट्रेट काढले होते. त्यांनी ते इन्स्टाग्रामवर शेअर करत तिला टॅग केले होते. या टॅग पोस्ट तिने एकत्रितरित्या स्केचेस आणि पोट्रेट आपल्या इन्स्टाग्रामवर शेअर केले आहेत. तिच्या या पोस्टवर कॉमेंटचा वर्षाव होत आहे. रणवीरनेही "Byoodiful" अशी कॉमेंट केली आहे.