![CBSE 10th Result 2024](http://media.assettype.com/pudhari%2Fimport%2Fwp-content%2Fuploads%2F2022%2F06%2Fstate-govermnet-fails-to-give-Ahmednagar-RTE-students-financial-aid-to-Schools.jpg?w=480&auto=format%2Ccompress&fit=max)
पुढारी ऑनलाईन डेस्क : केंद्रीय माध्यमिक शिक्षण बोर्ड (सीबीएसई) ने आज, १३ मे रोजी सीबीएसई इयत्ता १० वीचा निकाल जारी केला आहे. बोर्डाच्या अधिकृत वेबसाईट cbseresults.nic.in, results.cbse.nic.in आणि cbse.gov.in वर निकाल पाहू शकता. यावर्षी, इयत्ता १० वी मध्ये ९३.६० टक्के विद्यार्थी यशस्वी झाले. यावर्षीची इयत्ता १० वी पास टक्केवारीत ०.४८ टक्के वाढ झाली आहे. मागील वर्षी ९३.१२ विद्यार्थ्यांनी इयत्ता १० वी ची परीक्षा उत्तीर्ण केली आहे. यावर्षी मागील वर्षाच्या तुलनेत ९० टक्के आणि ९५ टक्के गुण आणणाऱ्या विद्यार्थ्यांच्या संख्येतही वाढ झाली आहे.
सर्व विषयांमध्ये ९० टक्के आणि त्यापेक्षा अधिक गुण मिळवणाऱ्या विद्यार्थ्यांची संख्या मागील वर्षीपेक्षा १९,५७९९ वरून वाढून यावर्षी २११६१४५ झाली आहे. तर ९५ टक्के आणि त्याहून अधिक गुण मिळवणाऱ्यांची संख्या मागील वर्षी ४४२९७ वरून वाढून यावर्षी ४७९८३ इतकी झाली आहे.
हेदेखील वाचा –