पुढारी ऑनलाइन डेस्क : मुंबई येथून सहा जलतरणपटू मुंबई ते गोवा असा ११०० किमीचे अंतर पोहून नवा रेकॉर्ड बनण्यासाठी सज्ज झाले आहेत. यापैकी दोन जलतरणपटू हे मुंबई येथील आहे. रिले फॉरमॅटमध्ये हे जलतरणपटू पोहोणार आहेत. सलग 13 दिवसांत हा ही कामगिरी करण्याचे त्यांचे नियोजन आहे.
याबाबत वसई-विरार ओपन वॉटर स्विमिंग फाउंडेशनने दिलेल्या माहितीनुसार, पुण्यातील संपन्ना शेलार (21), वसईतील कार्तिक गुगळे (20), राज पाटील (17), उरण, जिया राय (14), कुलाबा येथील राकेश कदम (24) आणि दुर्वेन नाईक (17) हे जलतरणपटू आहेत. 10 डिसेंबर रोजी सकाळी 10.30 वाजता गेटवे ऑफ इंडिया येथून ते अरबी समुद्रात उडी घेतील. हा कार्यक्रम वसई-विरार ओपन वॉटर स्विमिंग फाउंडेशनने आयोजित केला आहे. याचे निरीक्षण गोवा जलतरण असोसिएशन करणार आहे.
संयोजकांनी याबाबत सांगितले की, जलतरणपटू संपूर्ण मार्गावर एकट्याने पोहतील. जलतरणपटू मुंबईला परतीचा प्रवास सुरू करण्यापूर्वी गोव्यातील मिरामार बीचला स्पर्श केल्यानंतर जवळपास एक तास विश्रांती घेतील. 22 डिसेंबरला याचा समारोप होण्याची शक्यता आहे. दरम्यान जिया राय ही गटातील सर्वात लहान आणि एकमेव मुलगी आहे.
शेलार हे ओपन वॉटर स्विमिंगमध्ये विश्वविक्रमी आहेत. त्याने 9 तास 10 मिनिटांत 38 किमी अंतर पार केले होते. 18 वर्षांचा असताना त्याने ही कामगिरी केली आणि बांगला चॅनल दोन प्रकारे पोहणारा जगातील सर्वात तरुण आणि सर्वात वेगवान जलतरणपटू बनला. लिम्का बुक ऑफ रेकॉर्डमध्येही या विक्रमाची नोंद झाली होती.
एका जलतरणपटूने 12 व्या वर्षी एका महिन्यात मुंबईभोवती अरबी समुद्रात एकट्याने पोहले, ज्याची नोंद लिम्का बुक ऑफ रेकॉर्डमध्ये करण्यात आली आहे. याच प्रमाणे
.हेही वाचा