पुढारी ऑनलाईन डेस्क : भारतीय-अमेरिकन असलेल्या अरुणा मिलर (Aruna Miller) यांनी अमेरिकेतील मध्यावधी निवडणुकीत बाजी मारली आहे. त्यांनी मेरीलँड राज्याच्या लेफ्टनंट गव्हर्नरपदाची निवडणूक जिंकली आहे. त्या डेमोक्रॅटिक पक्षाच्या उमेदवार आहेत. यामुळे पहिल्यांदाच भारतीय-अमेरिकन व्यक्ती मेरीलँडची लेफ्टनंट गव्हर्नर बनली आहे. तसेच अरुणा मिलर ह्या अमेरिकेत महत्त्वाच्या पदावर पोहोचलेल्या पहिल्या दक्षिण आशियाई महिला आहेत. अमेरिकेच्या मध्यावधी निवडणुकीमध्ये मतदारांनी लेफ्टनंट गव्हर्नर, राज्य सचिव आणि इतर कार्यालयांचे प्रमुख निवडण्यासाठी मतदान केलं.