पुढारी ऑनलाईन : दाक्षिणात्य अभिनेता अल्लू अर्जुन (Allu Arjun) आणि रश्मिका मंदाना (Rashmika Mandana) यांचा 'पुष्पा द राइज' (Pushpa: The Rise) हा चित्रपट चाहत्यांच्या भेटीस येत आहे. 'पुष्पा: द राइज' या चित्रपटाचे पोस्टर आणि टिझर काही दिवसांपूर्वी सोशल मीडियावर रिलीज झाले होते. तर सध्या निर्मात्यांनी 'पुष्पा: द राइज' चा धमाकेदार ट्रेलर रिलीज झाला आहे.
नुकतेच अल्लू अर्जुनच्या आगामी 'पुष्पा द राइज' चित्रपटाचा धमाकेदार ट्रेलर चाहत्यांच्या भेटीस आला आहे. या चित्रपटात अल्लू अर्जुनने एका चंदन तस्कराची भूमिका साकारली आहे. तर रश्मिकाने चित्रपटात अल्लू अर्जुनच्या गर्लफ्रेंडची भूमिका साकारली आहे.
नुकत्याच रिलीज झालेल्या ट्रेलरमध्ये सुरूवातीला जंगलात एक विषारी साप दाखवण्यात आला आहे. त्यानंतर काही लोकांची टोळी जंगलातील चंदन झाडाची कत्तल करताना आणि ट्रकमधून बाहेर विकण्यास नेताना दिसले आहे. या टोळीचा मुख्य सुत्रधार अल्लू अर्जुन आहे. यात अल्लू अर्जुनला अटक करून पोलिस मारताना दाखवण्यात आला आहे. चित्रपटात पोलिस आणि चंदन तस्करी करणाऱ्यातील थरार नाट्य दाखवले आहे. या चित्रपटात ॲक्शन सीन आणि अल्लू- रश्मिकाची केमिस्ट्री पाहायला मिळणार आहे.
हा चित्रपट १७ डिसेंबर २०२१ रोजी रिलीज होणार आहे. चित्रपटाचे दिग्दर्शन सुकुमार तर निर्मिती रविशंकर, आणि मनीष शाह यांनी केले आहे. अल्लू अर्जुन आणि रश्मिकासोबत चित्रपटात मल्यायम अभिनेता फहाद फासिल, सुनील, अनुसया भारद्वाज, अजय गोश आणि इतर कलाकार दिसणार आहेत. हा चित्रपट तेलुगू भाषेत असून हिंदी, तमिळ, मल्याळम आणि कन्नड भाषांमध्ये प्रदर्शित होणार आहे.
याआधी या चित्रपटाचे 'श्रीवल्ली' गाण्याचे पोस्टर आणि टिझर रिलीज झाला होता. या गाण्यातील खास म्हणजे, हो गाणे पाच भाषांत बनवलेले आहे.
हेही वाचलंत का?
