![अभिनेत्री उषा नाईक](http://media.assettype.com/pudhari%2Fimport%2Fwp-content%2Fuploads%2F2024%2F03%2F%E0%A4%89%E0%A4%B7%E0%A4%BE-%E0%A4%A8%E0%A4%BE%E0%A4%88%E0%A4%95.jpg?w=480&auto=format%2Ccompress&fit=max)
घाटकोपर : ज्येष्ठ अभिनेत्री उषा नाईक यांचा साकीनाका परिसरात हरवलेला मोबाईल साकीनाका पोलिसांनी दोन दिवसांत शोधून त्यांना परत केला. जब्बार पटेल यांच्या सामना या चित्रपटांमधून त्यांनी चित्रपटसृष्टीत प्रवेश केला असून शंभर पेक्षा अधिक चित्रपटांमध्ये भूमिका केल्या आहेत.
संबंधित बातम्या
उषा नाईक या गुरुवारी काही कामानिमित्त साकीनाका येथील एस जे स्टुडिओमध्ये आल्या होत्या. त्यावेळी रिक्षामध्ये त्यांचा मोबाईल विसरला होता. साकीनाका पोलीस स्टेशनमध्ये तक्रार दिल्यानंतर वरिष्ठ पोलीस निरीक्षक गबाजी चिमटे यांच्या मार्गदर्शनाखाली पोलीस उपनिरीक्षक सुनील चव्हाण आणि त्यांच्या टीमने सीसीटीव्ही कॅमेर्याच्या आधारे रिक्षा नंबर आणि त्यानंतर मोबाईल लोकेशन काढून सदर रिक्षाचालकाला मालाड येथून ताब्यात घेतले.