Single Movie : अभिनय बेर्डे-प्रथमेश परब यांचा सिंगल येतोय भेटीला

प्रथमेश परब - अभिनय बेर्डे

पुढारी ऑनलाईन डेस्क : 'दोस्त दोस्त ना रहा' असं म्हणत अभिनय बेर्डे आणि प्रथमेश परब या दोन जिवलग मित्रांच्या नात्यात सध्या दुरावा निर्माण झाला आहे. प्रत्येकजण कधी ना कधी हा प्रेमात पडतोच. (Single Movie) आपल्या मित्राला त्याचं प्रेम मिळावं यासाठी जीवाचं रान करणारे मित्र आपण पाहिले आहेत. मात्र अभिनयला त्याच प्रेम मिळू नये यासाठी चक्क प्रथमेशने खोडा घातला आहे. असं कोणतं कारण आहे की, अभिनयच्या प्रेमाच्या आड प्रथमेश येत असेल? हा प्रश्न साऱ्यांनाच पडला आहे. याचं उत्तर ३ नोव्हेंबरला चित्रपटगृहात मिळणार आहे. प्रथमेश आणि अभिनय ही जोडी 'सिंगल' चित्रपट घेन येताहेत. (Single Movie)

संबंधित बातम्या –

अभिनय आणि प्रथमेश हे दोघेही 'सिंगल' या चित्रपटाच्या निमित्ताने एकत्र काम करणार आहेत. हा एक धमाल चित्रपट असून एक मित्र प्रेमाच्या बाजूने तर दुसरा मित्र प्रेमाच्या विरोधात काय काय करामती करतो, याची गंमत पाहायला मिळणार आहे. पोरीसाठी दोस्तीत कुस्ती होईल की प्रेम जिंकेल यावर भाष्य करणारा 'सिंगल' हा चित्रपट प्रेक्षकांच फूल टू मनोरंजन करेल असा विश्वास अभिनय आणि प्रथमेश म्हणाले. या दोघांसोबत या चित्रपटात रमेश परदेशी, प्राजक्ता गायकवाड, राजेश्वरी खरात, सुरेश विश्वकर्मा आदि कलाकारांच्या भूमिका आहेत.

दिग्दर्शक चेतन चावडा आणि सागर पाठक यांनी 'सिंगल' चित्रपटाचे दिग्दर्शन केले आहे. किरण काशिनाथ कुमावत, हर्षवर्धन गायकवाड, शरद पाटील, अमोल कागणे, गौरी सागर पाठक, 'सिंगल' हे या चित्रपटाचे निर्माते असून सह-निर्माते सुमित कदम आहेत. चित्रपटाचं लेखन सतीश समुद्रे यांचे असून पटकथा चेतन चावडा, सागर पाठक आणि सतीश समुद्रे यांची आहे. अभिजीत कवठाळकर, मोहित कुलकर्णी यांचे संगीत चित्रपटाला लाभले आहे. छायांकन अमोल गोळे यांचे आहे.

राजेश्वरी खरात