पुणे हादरले ! घरच्यांच्या समोरच केला तरुणाचा खून

पुणे : पुढारी वृत्तसेवा : सोमवारी पहाटे 2 वाजता घोरपडे पेठ परिसरात एका 35 वर्षीय तरुणाचा त्याच्या कुटुंबासमोर गोळ्या झाडून खून करण्यात आल्याची धक्कादायक घटना घडली आहे. या घटनेने संपूर्ण परिसरात खळबळ उडाली आहे. अनिल साहू (वय 35, रा. घोरपडी पेठेतील श्रीकृष्ण हाईट्स) असे मृताचे नाव आहे. पोलिसांनी दिलेल्या माहितीनुसार, दोन संशयितांनी त्याच्या घरी जाऊन तीन गोळ्या झाडून साहूचा खून केला. साहू हे त्याचे कुटुंब आणि दोन भावांसह राहत होते. अप्पर पोलिस आयुक्त प्रवीणकुमार पाटील, पोलिस उपायुक्त संदीपसिंग गिल (झोन I), वरिष्ठ पोलिस निरीक्षक सुनील माने आणि खडक पोलिस ठाण्यातील इतर अधिकाऱ्यांनी घटनास्थळी भेट दिली. याप्रकरणी खडक पोलीस ठाण्यात खुनाचा गुन्हा दाखल करण्यात आला असून पोलीस परिसरातील सीसीटीव्ही कॅमेरे तपासत आहेत.

हेही वाचा :

• Pune News : खडकवासला भागात मंत्री, नेत्यांना प्रवेशबंदी
• Pune News : रांगोळीतून जरांगे पाटील यांना पाठिंबा