Modern Bride : नववधू मंडपात अशी आली की, सारेच अवाक झाले...

पूढारी  ऑनलाईन डेस्क : बॉलिवूडमध्ये अनेकजण लग्न करताना दिसत आहेत. अलिकडे बॉलिवूड कलाकारांची लग्न ही सोशल मीडियावर चर्चेचा विषय ठरत असतात. अभिनेता विकी कौशल आणि अभिनेत्री कॅटरिना कैप हे नूकतेचं विवाहबध्द झाले. याची चर्चा सोशल मीडियावर खूप हाेत आहे. फक्त सेलिब्रीटी आणि धनाढ्य लोकांच्या लग्नाची चर्चा होते असं नाही. प्रत्येकाला वाटतं की आपलं लग्न हे अविस्मरणीय व्हावं. यासाठी भन्नाट कल्पना करत असतात. अगदी पेहरावापासून ते सामाजिक कार्य, लग्न मंडपातील एन्ट्री, खर्च अशा या ना त्या कारणाने आपल्या लग्न अविस्मरणीय करण्‍यासाठी हे प्रयत्‍न असतात. अशीच काहीशी घटना उत्तर प्रदेशमधील फिरोझाबाद येथे घडली आहे.

उत्तर प्रदेशमधील फिरोझाबाद येथील राम बहाद्दूर यांचा मूलगा राहुल याचा दिल्लीजवळील शहादरा येथील अभिलाश राम यांची मुलगी काजल हिच्याशी लग्‍न झालं. ते चर्चेचा विषय ठरला आहे. आपलं लग्न अविस्‍मरणीय ठरावं, असे काजलावाटतं होत.लग्न यादगार होण्यासाठी तिने अशी भन्नाट कृती केली की, मंडपातील सारेच अवाक झाले.

काजल आणि राहूल याची ओळख ही पहिल्यापासूनचं होती. ती आपल्या नातलगांना घेवून वधू पेहरावात राहूलला आणण्यासाठी त्याच्या गावी गेली होती. काजलने वधू पेहराव केलेला होता, ब्लॅक कलरचा गॉगल घातला होता. या हटके लूकमध्ये तिने सर्वांचे लक्ष वेधून घेतले. तिने मंडपात येताना पायी न येता थेट स्कूटीवरून मंडपात एंन्ट्री केली. तिची एंन्ट्री होताच उपस्थित लोकांनी तिच्यावर फूलांचा वर्षाव केला. स्कूटीवरून एकटी न येता तिच्या पाठीमागे राहूलही बसला हाेता. नवरदेवाला थेट स्‍कूटीवरुन लग्‍न मंडपात घेवून घेणार्‍या नववधू काजलची एंन्ट्री हा  परिसरात चर्चेचा विषय ठरला आहे.