Cyclone Biparjoy : 'बिपरजॉय' चक्रीवादळ पुढील 24 तासांत होणार तीव्र; 'या' राज्यांना बसणार तडाखा
पुढारी ऑनलाइन डेस्क : Cyclone Biparjoy : बिपरजॉय चक्रीवादळ पुढील 24 तासात आणखी तीव्र होणार असून महाराष्ट्र, कर्नाटक, गोवा ही राज्ये या चक्रीवादळामुळे प्रभावित होऊ शकतात. तसेच दक्षिण-पश्चिम भारतातील किनारी राज्यांना खराब हवामानाचा सामना करावा लागेल. याशिवाय मच्छीमारांनी समुद्रात जाऊ नये, असा इशारा IMD ने दिला आहे.
आयएमडीने बुधवारी पहाटे 5.30 वाजता ताजे बुलेटीन जारी केले. त्यामध्ये दिलेल्या माहितीनुसार, महाराष्ट्र, कर्नाटक आणि गोव्यासह दक्षिण-पश्चिम भारतातील किनारी राज्यांना खराब हवामानाचा सामना करावा लागेल कारण पुढील 24 तासांत चक्रीवादळ बिपरजॉय तीव्र होण्याची शक्यता आहे. पूर्व-मध्य आणि आग्नेय अरबी समुद्रावर शेवटचे रेकॉर्ड केलेले चक्रीवादळ ‘बिपरजॉय’ पुढील 24 तासांत उत्तरेकडे सरकण्याची आणि तीव्र चक्रीवादळात तीव्र होण्याची अपेक्षा आहे. Cyclone Biparjoy
पू.म. व लगतच्या द.पू. अरबी समुद्रात आज पहाटे चक्रीवादळ बिपरजॉय अजून तीव्र झाले.
#गोव्यापासून 890km, #मुंबईपासून 1000km.
पुढील २४ तासांत जवळपास उत्तरेकडे जाण्याची व 🌀अत्यंत SCS मध्ये तीव्र होण्याची शक्यता. त्यानंतर पुढील 3 दिवसात NNW सरकेल, असे ट्वीट आयएमडीने केले आहे.
Cyclone Biparjoy : IMD ने म्हटले आहे की, पुढील तीन ते चार दिवसात (दि.7 ते 10) वाऱ्याचा वेग ताशी 135-145 किमी राहील. हा वेग 160 किमी प्रतितासापर्यंत वाढू शकतो. परिणामी कठोर हवामान आणि समुद्राच्या परिस्थितीचा इशारा देण्यात आला आहे. अशा परिस्थितीत मच्छिमारांना पुढील चार दिवस समुद्रात न जाण्याचा देखील सल्ला दिला आहे.
Cyclone Biparjoy : केरळ-कर्नाटक-गोव्याच्या किनारपट्टीला सर्वाधिक फटका
7 जून रोजी पूर्व-मध्य अरबी समुद्र आणि पश्चिम-मध्य आणि आग्नेय अरबी समुद्राच्या लगतच्या भागांवर 80-90 किमी प्रतितास वेगाने वादळी वारे वाहण्याची शक्यता आहे. संध्याकाळपर्यंत, हे वारे 95-105 किमी प्रतितास वेगाने वाढू शकतात आणि त्याच भागात 115 किमी प्रतितास वेगाने वाहतील.
Severe cyclonic storm Biparjoy over eastcentral and adjoining southeast Arabian Sea lays about 890 km west-southwest of Goa. It is likely to move nearly northwards and intensify into a very severe cyclonic storm during the next 24 hrs: India Meteorological Department pic.twitter.com/1Ki5CnXN9p
— ANI (@ANI) June 7, 2023
लक्षद्वीप, कर्नाटक, गोवा आणि महाराष्ट्राच्या किनारी भागाला याचा फटका बसण्याची शक्यता आहे. पश्चिम-मध्य आणि दक्षिण अरबी समुद्राच्या लगतचे भाग आणि उत्तर केरळ, कर्नाटक आणि गोव्याच्या किनारपट्टीला वादळाचा सर्वाधिक फटका बसण्याची शक्यता आहे.
हे ही वाचा :
Beeper Joy Cyclone : ‘बिपरजॉय’ चक्रीवादळामुळे मान्सूनचे येणे लांबणीवर?
Hurricane Arabian Sea : अरबी समुद्रात चक्रीवादळाची निर्मिती
Monsoon update | अरबी समुद्रात तीव्र चक्रीवादळाची शक्यता! मान्सून पुन्हा लांबणीवर