Just look at the expression on this gorilla's face in Japan! सध्या सोशल मिडीयावर एक व्हिडीओ चांगलाच व्हायरल झाला आहे. यामध्ये एक गोरीला त्याचा जोडीदाराबरोबर झालेल्या वादानंतर विचारमग्न व एकाकी बसलेला दिसून येतो. त्याच्याकडे पाहिले की एखादा पती आपल्या पत्नीसोबत भांडण झाल्यावर जसा विचारात बसतो तसेच वाटेल. हा व्हिडीओ जपानमधीलनागोया येथील हिगाशियामा प्राणीसंग्रहालयातील आहे. त्या गोरीलाचे नाव कियोमासा असे आहे. तो सध्या १३ वर्षांचा असून 'वेस्टर्न लो-लँड गोरिला' या प्रजातीचा आहे.
६३ सेकंदाच्या व्हिडीओला ८२ लाखांहून अधिक व्हूज
या ६३ सेकंदाच्या व्हिडीओत तो आपल्या जोडीदारासोबत झालेल्या कथित वादानंतर एकाकी आणि विचारमग्न अवस्थेत बसलेला दिसत आहे. या व्हिडिओला ८२ लाख (८.२ दशलक्ष) व्ह्यूज मिळाले आहेत सोशल मीडियावरील वापरकर्त्यांनी गमतीने अशी टिप्पणी केली आहे की, त्याच्या हालचाली आणि चेहऱ्यावरील भाव असे वाटत आहेत, जणू काही तो वाद संपल्यानंतरही त्यातील गोष्टी पुन्हा आठवून पाहत आहे.हजारो युजर्सनी या प्राण्याच्या चेहऱ्यावरील भाव "आपल्याला अगदी आपल्यासारखेच वाटणारे" असल्याचे म्हटले आहे.
या व्हायरल क्लिपमधील मुख्य पात्र म्हणजे 'कियोमासा' (Kiyomasa). हा १३ वर्षांचा नर 'वेस्टर्न लो-लँड गोरिला' असून, त्याचा जन्म १ नोव्हेंबर २०१२ रोजी जपानमधील नागोया येथील 'हिगाशियामा प्राणीसंग्रहालय आणि वनस्पति उद्यानात' झाला. कियोमासा हा जगप्रसिद्ध 'सिल्व्हरबॅक' गोरिला 'शबानी' (Shabani) याचा मुलगा आहे; शबानी आपल्या आकर्षक लूकमुळे जगभरात लोकप्रिय झाला होता.
व्हायरल झालेल्या या एका मिनिटाच्या व्हिडिओमध्ये कियोमासा एकटाच बसलेला दिसतो. अनेक प्रेक्षकांनी त्याच्या या बसण्याच्या पद्धतीचे वर्णन 'विचारमग्न अवस्थेतील खास मुद्रा’ असे केले आहे. आपला उजवा हात शरीरावरून आडवा ठेवून आणि डावा हात तोंडावर टेकवून, हा गोरिला दूरवर एकटक पाहत आहे आणि अत्यंत विचारमग्न असल्याचे दिसून येत आहे.मिळालेल्या माहितीनुसार, कियोमासा आणि त्याच्या जोडीदारात वाद झाल्यानंतर काही वेळातच हा व्हिडिओ शूट करण्यात आला होता
मानवी नातेसंबधांशी केली तूलना
'X' वर हा व्हिडिओ पसरताच, वापरकर्त्यांनी कमेंट्सचा पाऊस पाडला आणि त्यात अनेक विनोद तसेच मानवी नातेसंबंधांशी त्याची तुलना केली. एका वापरकर्त्याने लिहिले, "माझ्या पत्नीसोबत एखादी चेष्टा जरा जास्तच पुढे नेल्यावर मी अगदी असाच दिसतो." दुसऱ्या एका युजरने कमेंट केली, "माझ्याशी वाद हरल्यानंतर जेव्हा माझा नवरा दुसऱ्या खोलीत जातो, तेव्हा त्याच्या चेहऱ्यावर अगदी असेच भाव असतात. माझ्या मते, हे सर्वत्र सारखेच घडते!"
