indonesian president prabowo subianto on kashmir terror attack
जकार्ता : पुढारी ऑनलाईन
जम्मू काश्मीरच्या पहलगाममध्ये २२ एप्रिल रोजी झालेल्या दहशतवादी हल्ल्यावर जगभरातून शोक संवेदना व्यक्त करण्यात येत आहे. तसेच दहशतवादाविरूद्धच्या भारताच्या लढाईत सोबत असल्याची भूमिका अनेक देशांनी व्यक्त केली आहे. इंडोनेशियाचे राष्ट्राध्यक्ष प्रबोवो सुबियांतो यांनी पाकिस्तानला आरसा दाखवत शस्त्र सोडून चर्चेतून मार्ग काढण्याचा सल्ला दिला आहे.
इंडोनेशियातील भारतीय राजदूतांना भेटल्यानंतर सुबियांतो यांनी काश्मीर दहशतवादी हल्ल्याबद्दल तीव्र शोक व्यक्त केला. या दरम्यान, प्रबोवो यांनी पाकिस्तानचे नाव न घेता त्याला एक मोलाचा सल्ला दिला. इंडोनेशियन राष्ट्राध्यक्ष म्हणाले की, इस्लाम आपल्या देशात हे शिकवत नाही.
जम्मू काश्मीरच्या पहलगाममध्ये झालेल्या दहशतवादी हल्ल्यात १९ भारतीयांचा जीव गेला होता. या घटनेची मस्लिम देश इंडोनेशियाने निंदा केली आहे. तसेच राष्ट्राध्यक्ष सुब्रितांयो यांनी पाकिस्तानला आरसा दाखवला आहे. सुबियांतो यांनी इंडोनेशियातील भारताच्या राजदुतांशी चर्चा केली. यावेळी त्यांनी काश्मीर पहलगाम घटनेवर शोक व्यक्त केला. यावेळी सुब्रीयांतो यांनी पाकिस्तानचे नाव न घेता एक सल्ला दिला. इंडोनेशियाचे राष्ट्रपती म्हणाले, इस्लाम आपल्याला असे शिकवत नाही.
लोकशाहीमध्ये नियंत्रित लष्करी प्रभावाचे महत्त्व त्यांनी अधोरेखित केले. पहलगाममधील या दहशतवादी हल्ल्याचा प्रबोवो यांनी तीव्र निषेध केला. दोन्ही नेत्यांनी दहशतवादाविरुद्ध सहकार्य वाढविण्यावरही सहमती दर्शविली.
इंडोनेशियाचे अध्यक्ष प्रबोवो सुबियांतो म्हणाले की, इस्लाम अशा प्रकारचे दहशतवादी हल्ले करण्याचे शिकवत नाही. काश्मीरमधील दहशतवादी हल्ल्याबद्दल आपले मत व्यक्त करताना त्यांनी सांगितले की, इंडोनेशियामध्ये प्रचलित असलेल्या इस्लामच्या शिकवणीत अशा दहशतवादी हल्ल्यांना स्थान नाही. त्यांनी इंडोनेशियातील भारतीय राजदूत संदीप चक्रवर्ती यांना हे सांगितले. अशा दहशतवादाचे कोणतेही परिणाम निघू शकत नाहीत, असे ते म्हणाले. म्हणून, शस्त्रांशिवाय संवादाचा मार्ग निवडला पाहिजे.
