Coldplay kiss-cam Controversy: जुलै २०२५ मध्ये कोल्डप्ले कॉन्सर्टदरम्यानकिस कॅमचा एक व्हिडिओ सोशल मीडियावर तुफान व्हायरल झाला होता. या व्हिडिओत अॅस्ट्रॉनॉमर या कंपनीची माजी एचआर क्रिस्टिन कॅबोट आणि कंपनीचे सीईओ अँडी बायरन यांचा किस करताना कॅमेऱ्यात कैद झाले होते. मात्र त्यानंतर हे दोघांमध्ये विवाहबाह्य संबंध होते हे स्पष्ट झालं अन् त्या एका व्हायरल व्हिडिओमुळं या दोघांचे वैयक्तिक आयुष्यात वादळ आलं.
ब
दरम्यान, माजी एचआर क्रिस्टिन यांनी सीईओ अँडी बायरन हे त्यांच्याशी त्यांच्या नात्याबाबत खोटं बोलले असल्याचा आरोप केला आहे. विनफ्रे यांच्या ऑन कॅमेरा पॉडकास्टमध्ये बोलताना क्रिस्टिन यांनी याबाबत मोठा गौप्यस्फोट केला आहे. क्रिस्टिन यांनी सांगितलं की त्यांना असं वाटत होतं की मिस्टर बायरन हे त्यांच्या जोडीदारापासून वेगळे होणार आहेत. याबाबतची प्रक्रिया सुरू झाली आहे. त्या देखील घटस्फोटातून जात होत्या. त्यांना वाटलं की आमची दोघांची वैयक्तिक आयुष्य सारख्याच वळणावर आहे.
५३ वर्षांच्या क्रिस्टिन यांना नंतर कळालं की मिस्टर बायरन हे त्यांच्यासोबत खोटं बोलत होते. यानंतर क्रिस्टिन यांनी बायरन यांच्यासोबतचे सर्व संभाषण तोडून टाकलं आहे. त्या म्हणाल्या की, 'या सर्व घडामोडीत प्रमाणिकपणा आणि चारित्र्याबाबत मोठी शंका उपस्थित झाली होती. ते जसे दाखवत होते तसे व्यक्ती नव्हते. खोटं बोलणं मी कदापी सहन करणार नाही. ते माझ्याशी प्रामाणिक राहू शकले असते मात्र त्यांनी तसं केलं नाही.'
क्रिस्टिन यांना कोल्डप्लेमधील किसिंग व्हिडिओ व्हायरल झाल्यानंतर आपली नोकरी गमवावी लागली होती. त्यांनी त्या आता बायरन यांच्यासोबत बोलणार नाही असं सांगितलं. क्रिस्टिन यांनी सांगितलं की मला जे काही भासवलं गेलं त्यातील अनेक गोष्टी खोट्या होत्या.
