Alaska Airlines flight | विमान हवेत असताना उडून गेला दरवाजा, सुदैवाने १७४ प्रवाशी बचावले
पुढारी ऑनलाईन : अलास्का एअरलाइन्सच्या विमानात एक धक्कादायक घटना घडली आहे. हे विमान हवेत असताना विमानाचा दरवाजा (exit door) आणि फ्यूजलेजचा भाग उडून गेला. यामुळे विमानातील प्रवाशांची पाचावर धारण बसली. त्यानंतर या विमानाचे अमेरिकेतील ओरेगॉनमध्ये शुक्रवारी (स्थानिक वेळेनुसार) इमर्जन्सी लँडिंग करण्यात आले. या घटनेत कोणी जखमी झाले की नाही हे लगेच स्पष्ट झालेले नाही. पण विमान कंपनीने सांगितले की ते या घटनेची चौकशी करत आहेत.
“अलास्का एअरलाइन्सचे १२८२ हे विमान पोर्टलँड, ओरेगॉन येथून ओंटारियो, कॅलिफोर्नियाकडे जाताना ही घटना घडली. त्यानंतर हे विमान १७४ प्रवासी आणि ६ क्रू सदस्यांना घेऊन पोर्टलँड आंतरराष्ट्रीय विमानतळावर सुरक्षितपणे उतरवण्यात आले,” असे विमान कंपनीने सांगितले. दरम्यान, सोशल मीडियावर शेअर झालेल्या फोटोंमध्ये विमानाचा दरवाजा आणि बाजूच्या काही भाग दिसत नाही. तो उडून गेलेला दिसतो.
हे उड्डाण बोईंग 737-9 MAX द्वारे चालवले जात होते. ते दोन महिन्यांपूर्वीच धावपट्टीवर आणण्यात आले होते. त्याला नोव्हेंबर २०२३ मध्ये प्रमाणपत्र प्राप्त झाले होते.
बोईंग एअरप्लेन्सने सांगितले की, “आम्हाला अलास्का एअरलाइन्सचे विमान #AS1282 मध्ये घडलेल्या घटनेची माहिती आहे. आम्ही अधिक माहिती गोळा करण्याचे काम करत आहोत आणि आमच्या एअरलाइन प्रवासांच्या संपर्कात आहोत. बोईंगची तांत्रिक टीम याचा तपास करेल”.
FlightRadar24 च्या माहितीनुसार, हे विमान सुमारे २० मिनिटे हवेत होते आणि कमाल १६,३०० फूट उंचीवर पोहोचले. त्यावेळी विमानाचा दरवाजा उडून गेला.
An Alaska Airlines flight was forced to return to Portland International Airport after a section of the fuselage suddenly blew out of the plane Friday evening with a big boom and a rush of air through a gaping hole.https://t.co/GxzCvAsNqD pic.twitter.com/WgAYEXqXTA
— The Oregonian (@Oregonian) January 6, 2024
We are aware of the incident involving Alaska Airlines Flight #AS1282. We are working to gather more information and are in contact with our airline customer. A Boeing technical team stands ready to support the investigation.
— Boeing Airplanes (@BoeingAirplanes) January 6, 2024
हे ही वाचा :
- अपहरण केलेल्या जहाजावरून सर्व भारतीय क्रू मेंबर्सची सुटका
- अभिनेता ख्रिश्चन ऑलिव्हर आणि त्याच्या दोन मुलींचा विमान अपघातात मृत्यू