काबूल ; पुढारी ऑनलाईन: तालिबानने सत्ता काबीज केल्यानंतर अफगाणिस्तानमधून पलायन केलेले माजी राष्ट्रपती अशरफ घनी यांचे बंधू हशमत घनी हा तालिबानमध्ये सहभागी झाला आहे. हशमत घनी याचा सहभागामुळे तालिबानला बळ मिळेल, असे मानले जात आहे.
तालिबानने अफगाणिस्तानवर कब्जा मिळविल्यानंतर देशातील परिस्थिती बिघडली आहे. दहशतवादी सर्वसामान्य नागरिकांवर अत्याचार आहेत. अशातच अशरफ गनींचा भाऊ हशमत याने तालिबानचे समर्थन केले आहे. यासंदर्भातील फोटो सोशल मीडियावर व्हायरल होत आहे.
हशमत हे अफगाणिस्तान मधील परराष्ट्र धोरणाचे जाणकार आहेत. त्यांनी या पूर्वीच तालिबान्यांना समर्थन देणार असल्याचे जाहीर केले होते.
अफगाणिस्ताचा राष्ट्रपती कोण होणार, यासाठी तालिबान्यांमध्ये एकमत होत नसल्याचे स्पष्ट झाले आहे.
मुल्ला बरादर याचे नाव आघाडीवर आहे. मात्र त्याच्या नावाला तालिबानी नेत्यांकडून विराेध हाेत आहे. यामुळे त्याच्या नावावर अद्याप शिक्कामोर्तब करण्यात आला नसल्याचे सूत्रांनी सांगितले.
अफगाणिस्तानचे माजी राष्ट्रपती अशरफ घनी 'युएई'त आश्रयाला
तालिबानने सत्ता काबीज केल्यानंतर अफगाणिस्तानमधून पलायन केलेले माजी राष्ट्रपती अशरफ घनी यांनी संयुक्त अरब अमीरात (युएई)मध्ये आश्रय घेतला आहे. मानवतेच्या दृष्टीकोनातून केलेले माजी राष्ट्रपती अशरफ घनी यांना आश्रय दिला असल्याचे 'युएई'चे परराष्ट्र मंत्रालयाने म्हटले होते.
रविवार (दि. १५) रोजी अफगाणिस्तानमध्ये घनी यांचे सरकार कोसळले होते. तालिबानने सत्ता काबीज केल्यानंतर घनी यांनी देश सोडून पलायन केले.
यासंदर्भात 'युएई'ने म्हटले आहे की, ७२ वर्षीय अशरफ घनी आणि त्यांच्या कुटुंबातील सदस्यांचे मानवेतच्या दृष्टिकोन आम्ही आमच्या देशात स्वागत केले आहे.
घनी यांनी चार कार भरुन नोटा हेलिकॉप्टरने अफगाणिस्तानमधून पलायन केले आहे, असे वृत्त रशियाच्य वृत्तसंस्थेने दिले होते.
हेलिकॉप्टर नोटांनी तुडूंब भरल्यानंतर नोटांनी भरलेल्या काही बॅग धावपट्टीवरच टाकण्यात आल्या होत्या, असेही या वृत्तात्त रशियाच्या दुतावासातील कर्मचार्यांनी दिलेल्या माहितीच्या आधारे म्हटले होते.
अर्थशास्त्राचे अभ्यासक असणारे घनी यांनी २० सप्टेंबर २०१४ रोजी प्रथम राष्ट्रपती झाले. यानंतर २८ सप्टेंबर २०१९ रोजी झालेल्या राष्ट्रपतीपदाच्या निवडणुकीत ते विजयी झाली होते.
१९९६ ते २००१ या कालावधीमध्ये अफगाणिस्तानमध्ये तालिबानाचे राज्य होते.
११ सप्टेंबर २००१ रोजी अमेरिकेतील वर्ल्ड ट्रेड सेंटरवर दहतवादी हल्ला झाल्यानंतर अमेरिकेने तालिबान्याविरोधात कठोर कारवाई केली होती.
हेही वाचलं का?
