Taliban : तालिबान्यांना पैसा कुठून आणि किती मिळतो?

Published on:

16 Aug 2021, 10:04 am

Updated on:

16 Aug 2021, 10:37 am

पुढारी ऑनलाईन डेस्क : अमेरिका अफगाणिस्तानमधून बाजूला झाली अन् लगेचच तालिबाननं (Taliban) त्याच्या वर्चस्व स्थापित केलं. यामध्ये झालं काय, तर गझनी, कंदहार, चराग-ए-शरीफ यांच्यासारखी मोठी शहरं तालिबान्यांकडे सहज गेली. तालिबान्यांची (Taliban) जी ताकद निर्माण झाली आहे, ती वाढली कुठून? कुठून आला इतका पैसा? हत्यारं खरेदी करण्यासाठी पैसा दिला कुणी? हे सगळे प्रश्न आजच्या घडामोडीवर उपस्थित झाले आहेत. काही आंतरराष्ट्रीय उत्पन्नांनुसार तालिबान्यांचं उत्पन्न १ अब्‍ज डाॅलरपेक्षाही जास्त होती. २०११ मध्ये ३०० मिलियन डाॅलर इतकं उत्पन्न झालं. हा आकडा वाढत-वाढत आता १.५ बिलियन डाॅलरवर गेला आहे.

मादक पदार्थांची विक्री, हा सर्वात मोठी तालिबान्यांच्या उत्पन्नाचं साधन आहे. मुळात अफगाणिस्तान हे अफूच्या बाजाराशी जोडला आहे. तालिबान्यांचं वर्चस्व ज्या भागांत आहे, तिथूनही मोठ्या प्रमाणात टॅक्स गोळा केला जातो. गुन्हेगारीची कामं करूनही त्यातून पैसा मिळतो. आणि सर्वात महत्वाचं म्हणजे अमली पदार्थांच्या तस्करीतून तालिबानी मोठ्या प्रमाणात पैसा मिळतो. तो पैसा जवळपास ४६० मिलियन डाॅलर इतका आहे.

आता एवढ्याच पद्धतीनं त्यांना उत्पन्न मिळतं का? तर नाही. अफगाणिस्तानमध्ये नैसर्गिक साधनसंपत्ती मोठ्या प्रमाणात आहे. त्यामध्ये खनन उद्योग महत्वाचा ठरतो. त्यातूनच तालिबानी प्रचंड लुटालूट करत होते.

मागच्या वर्षी एकट्या खनन उद्योगातून ४६४ मिलियन डाॅलरची कमाई तालिबान्यांनी केली. इतकंच नाही, तर तालिबान्यांना मोठ्या प्रमाणात डोनेशनही मिळतं.

हे डोनेशन खासगी चॅरिटेबल फाऊंडेशनकडून मोठ्या प्रमाणात पैसे मिळतात. त्याचबरोबर तालिबान्यांचे श्रीमंत समर्थकही आहेतच, त्यांच्याकडून मोठ्या प्रमाणात पैसा तालिबान्यांना मिळतो.

आता अमेरिका असं म्हणतं की, आमचा बदला काढण्यासाठी रशियाने तालिबान्यांना हत्यारं, पैसा, प्रशिक्षण दिलं आहे.

२०१८ साली अफगाणिस्तानमध्ये असणारे अमेरिकेचे तत्कालीन कमांडर जनरल जाॅन निकोलसन थेट म्हणाले की, अमेरिकेकडून तालिबान्यांवर नियंत्रण ठेवण्याचा प्रयत्न केला जातो आहे. पण, त्यात रशिया ढवळाढवळ करत आहे.

पाकिस्तान तालिबान्यांना मदत करतं आहे, ही जगजाहीर गोष्ट आहे. काही आंतरराष्ट्रीय घडामोडींचे अभ्यासक सांगतात की, केवळ पाकिस्तानच नाही, तर इराणकडूनही पैसा पुरवला जातो.

हे ही वाचलंत का?