रशिया-युक्रेन लष्करी कारवाईने भारतालाही दणका बसणार !

पुढारी ऑनलाईन डेस्क : युक्रेन-रशियाच्या बिघडलेल्या परिस्थितीमुळे जग चिंतेत आहे. कारण कोरोना व्हायरसच्या उद्रेकानंतर अद्याप जग रुळावर येण्यापूर्वीच या दोन देशात युद्धाची कारवाई सुरू झाली. भारत हा जर्मनी आणि फ्रान्सनंतर युक्रेनला फार्मास्युटिकल उत्पादनं निर्यात करणारा सर्वात मोठा निर्यातदार देश आहे. त्यामुळे भारतासह अनेक देशांवर या युद्धाचा व्यापक परिणाम होईल, असे काही अभ्यासक सांगत आहेत.

CM Thackeray : युक्रेनमध्ये अडकलेल्या महाराष्ट्रातील नागरिकांसाठी मुख्यमंत्र्यांनी घेतला हा निर्णय

रशियाचे राष्ट्राध्यक्ष व्लादिमीर पुतीन यांनी युक्रेनमध्ये (Ukraine) लष्करी कारवाई करण्याची घोषणा आज (गुरूवार) केली. त्यानंतर युद्ध सुरू झाले. रशियाने युक्रेनमधील काही शहरांवर क्षेपणास्त्रे हल्ल्याला सुरूवात केली. युद्धाचे तीव्र पडसाद जगभर उमटत असलेले, दिसत आहेत. युक्रेनला होणाऱ्या भारतीय निर्यातीतील बहुतांश भाग फार्मास्युटिकल्सचा आहे. दुसरीकडे, युक्रेन हा भारताला सूर्यफूल तेलाचा सर्वात मोठा निर्यातदार देश आहे.

russia vs ukraine war : युक्रेनमधील भारतीय दुतावासाकडून अडकलेल्या विद्यार्थ्यांना तिसऱ्यांदा मार्गदर्शक सूचना जारी

भारत हा आशिया-पॅसिफिकमधील युक्रेनचा सर्वात मोठा पाचव्या क्रमांकाचा निर्यातदार देश आहे. भारत आणि युक्रेनमधील संबंध बिघडल्यास, दोन्ही देशांमधील द्विपक्षीय व्यापारावरही याचा परिणाम होईल. युरोपीय देशात भारत औषध उत्पादने, अणुभट्ट्या आणि बॉयलर मशिनरी, यांत्रिक उपकरणे, तेलबिया, फळे, कॉफी, चहा आणि मसाले निर्यात करणारा प्रमुख देश आहे.

रशियाची युक्रेनमध्ये लष्करी कारवाई पण शेअर बाजार धारातीर्थी ! दिवसात १३.५७ लाख कोटींचा चुराडा

या भारतीय कंपन्यांची युक्रेनमध्ये कार्यालये

Ranbaxy, Dr Reddy's Laboratories आणि Sun Group यासारख्या अनेक भारतीय कंपन्यांची युक्रेनमध्ये प्रतिनिधी कार्यालये आहेत. प्रमुख औषध कंपन्यांच्या प्रतिनिधींनी युक्रेनमध्ये इंडियन फार्मास्युटिकल मॅन्युफॅक्चरर्स असोसिएशन (IPMA) ची स्थापना केली आहे.