पणजी : पुढारी वृत्तसेवा
जखमी झालेल्या किंवा कुठेतरी अडकलेल्या किंवा संकटात असलेल्या वन्य प्राण्यांची आणि पक्ष्यांची माहिती वन खात्याला देण्यासाठी प्राण रेखा अॅपची सुरुवात PRAN Rekha केली गेली आहे.
या अॅपद्वारे वन्यजीव प्रकरणे एका बटणाच्या टॅपवर त्वरित कळवता येतील. त्यासाठी वन खात्याने प्राण रेखा हे मोबाईल अॅप्लिकेशन लाँच केले आहे. जे नागरिकांना अशा घटनांची तक्रार करण्यास सक्षम करण्यासाठी डिझाईन केलेले आहे. यामुळे जलद आणि अधिक समन्वित वन्यजीव बचाव कार्ये सुनिश्चित होतील.
या अॅपद्वारे वापरकर्त्यांना भौगोलिक टॅग केलेल्या स्थानाच्या तपशीलांसह विस्कळीत वन्यजीवांचे फोटो अपलोड करण्याची परवानगी मिळते, जे नंतर थेट संबंधित तालुक्यात कार्यरत असलेल्या प्रशिक्षित वन्यजीव बचाव पथकांना पाठवले जातात. हे अॅप सध्या गुगल प्ले स्टोअरवर उपलब्ध आहे.
वन खात्याच्या अधिकाऱ्यांनी दिलेल्या माहितीनुसार, वापरकर्ते बचाव पथकांना पाठवलेल्या भौगोलिक-टंग केलेल्या तपशीलांसह संकटात सापडलेल्या प्राण्यांचे फोटो अपलोड करू शकतात. स्मार्टफोन वापरकर्त्यांसाठी ते उपलब्ध करून देते. जरी हे अॅप आता सार्वजनिक वापरासाठी खुले असले तरी, गेल्या महिन्यात लाँच झाल्यानंतर त्याची एक महिन्याची चाचणी घेण्यात आली. ज्या दरम्यान ते प्रामुख्याने स्वयंसेवी बचावकर्त्यांनी वापरले होते.
अलर्ट तत्काळ बचावकर्त्याकडे
एकदा का एखाद्या नागरिकाने छायाचित्रांसह स्थान, तपशील सादर केला की त्यावरील आलेले अलर्ट स्वयंचलितपणे त्यांच्या उपलब्ध बचावकर्त्याला पाठवले जातात. बचाव कार्यादरम्यान, प्रतिसादकर्ते केलेल्या कारवाईचे अपडेट्स तपशील थेट अॅपवर अपलोड करू शकतात. यामुळे आम्हाला गोव्यात शोध प्रयत्नांचे दस्तऐवजीकरण करणे शक्य होईल, असे अधिकाऱ्याने सांगितले.
वन्यजीव मदतीसाठी फायदेशीर
वन विभागाच्या पथकांव्यतिरिक्त, हे व्यासपीठ खासगी आणि स्वयंसेवी बचावकत्यांसाठी खुले केले जात आहे. यात सर्प बचावकर्ते, प्राणी व पक्ष्यांच्या रस्ते अपघातांच्या घटना हाताळणारे वन्यजीव प्रतिसादकर्ते, जखमी स्थलांतरित पक्ष्यांना मदत करणारे आणि सागरी आणि समुद्री अडकलेल्यांना मदत करणारे प्रतिसादकर्ते यांचा समावेश आहे.
