पणजी : पुढारी वृत्तसेवा
कोकणातील पारंपरिक आणि ऐतिहासिक वारसा लाभलेल्या कावी कलेला नवसंजीवनी देण्याचे महत्त्वपूर्ण काम मणेरी (ता. दोडामार्ग, सिंधुदुर्ग) येथील युवा कलाकार आचल विश्राम कुबल करीत आहेत.
आधुनिक काळात प्लास्टर ऑफ पॅरिस, थर्माकोल आणि डिजिटल कलांच्या वाढत्या प्रभावामुळे पारंपरिक कलेचे अस्तित्व धोक्यात आले असताना आचल यांनी आपल्या मेहनतीने आणि कलात्मकतेने कावी कलेचे संवर्धन करण्याचा स्तुत्य प्रयत्न सुरू ठेवला आहे. आचल यांनी साकारलेले मणेरी येथील श्री जठार बाबा यांचे अप्रतिम कावी चित्र आता थेट गोवा येथील राजभवन येथे स्थान मिळवणार आहे.
आचलच्य चित्राला राज (लोक) भवनात स्थान मिळणे हा त्यांच्या कालप्रवासातील मैलाचा दगड ठरला आहे. कावी कला ही कोकणातील पारंपरिक भित्तीचित्र शैली म्हणून ओळखली जाते. पंचायत समिती सदस्य सोनिया अंकुश नाईक, तसेच भाजपचे तालुका चिटणीस अंकुश नाईक यांनी अभिनंदन केले आहे. तसेच त्यांच्या पुढील कलाप्रवासासाठी शुभेच्छा दिल्या आहेत.
