Goa children and elders mud games
पणजी: भक्ती, समर्पण सेवा आणि आरोग्य यांचा संगम असणारा भागवत सांप्रदायाचा अनोखा उत्सव चिखलकाला गोव्यात पाहिला मिळतो. माशेल येथील ऐतिहासिक श्री देवकी कृष्ण मंदिरातील या एकादशी उत्सवाची आज सांगता झाली.
प्रचंड उत्साह आणि आध्यात्मिक भावनेने साजरा केला जाणारा चिखलकाला गोव्याच्या परंपरेत खोलवर रुजलेला आहे. हा उत्सव भगवान कृष्ण आणि त्यांच्या सवंगड्यांच्या खेळकर क्रिडेची आठवण करून देतो. जो मैत्रीपूर्ण चिखलातील खेळाद्वारे सादर केला जातो आणि सर्व वयोगटातील सहभागींना आकर्षित करतो. गेल्या काही वर्षांत, हा उत्सव गोव्याच्या अमूर्त सांस्कृतिक वारशाची एक शक्तिशाली अभिव्यक्ती बनला आहे.
आषाढी एकादशीच्या दिवशी याला सुरुवात होते. भजन, किर्तन, पारायण करत या प्रतिष्ठित चिखलकाल्याने या उत्सवाचा समारोप होतो. यातील सहभागी, तरुण आणि वृद्ध, आनंदाने चेंडूफली (चिखलातील खेळ) आणि कुस्ती तसेच चिखलात इतर खेळांमध्ये सहभागी होतात. भगवान श्रीकृष्णाचे दिव्य खेळ यावेळी साजरे केले जातात. घुमट आणि शामेळ सारख्या गोव्यातील पारंपरिक वाद्यांच्या नादात हे कार्यक्रम आयोजित केले जातात.
यानिमित्ताने पर्यटनमंत्री रोहन खंवटे म्हणाले, चिखलकाला गोव्याचे सांस्कृतिक स्नेहबंध उत्सव आहे. अशा उत्सवांद्वारे आपण आपल्या आध्यात्मिक मुळाचा सन्मान करतो, सामुदायिक बंधन वाढवतो आणि पर्यटकांसाठी चांगला अनुभव निर्माण करतो. गोवा हे येथील लोकांच्या श्रद्धेबद्दल, संस्कृतीबद्दल, त्याच्या मूल्यांबद्दल आगळे वेगळे आहे. या उत्सवाद्वारे, आपण आपल्या परंपरा, आपला अंतर्गत प्रदेश आणि आपल्या ओळखीवर प्रकाश टाकून पुनरुत्पादित पर्यटनाबद्दलची आपली वचनबद्धता पुढे चालू ठेवतो.
पर्यटन संचालक नाईक म्हणाले की, चिखलकाला स्थानिक आणि पर्यटकांमध्ये तल्लीन, समावेशक आणि अर्थपूर्ण परंपरेशी पुन्हा जोडण्याची वाढती इच्छा दर्शवतो. ‘गोवा बियॉन्ड बीचेस’ या व्यापक दृष्टिकोनातून अशा उत्सवांना प्रोत्साहन देताना आम्हाला अभिमान वाटतो. आम्ही पर्यावरणीयदृष्ट्या जबाबदार, सांस्कृतिकदृष्ट्या संवेदनशील आणि समुदाय-केंद्रित अनुभवांना प्रोत्साहन देत राहू.
