हणजूण:
ओएलएक्स वरील जाहिरातीवरून वस्तू विक्रीच्या मोहा पायी २ लाख २४ हजार रुपयांना गंडवला गेल्याची तक्रार रायन कोरिया (रा. फुलदेनवाडा, नागवा) याने हणजूण पोलिस स्थानकात दिली. हा प्रकार दि. २५ जानेवारी रोजी घडला होता.
रायन कोरिया याने चालणे व धावण्यासाठी वापरात येणारे ट्रेडमिल मशीन विक्रीस असल्याची जाहिरात ओएलएक्स अॅप वर टाकली होती ही जाहिरात पाहून अज्ञात संशयिताने कोरिया यांच्याशी संपर्क साधला व नंतर त्याच्या मोबाईलवर आलेला ओटीपी क्रमांक शेअर करण्यास सांगितले. संशयिताने रायन याच्या बँक खात्यातून २ लाख २३ हजार ९९८ रु. आपल्या खात्यात हस्तांतरित करून घेतली.
हणजूण पोलिसांकडे वर्ग
ही तक्रार नंतर ९ फेब्रुवारी रोजी हणजूण पोलिसांकडे वर्ग करण्यात आली. हणजूण पोलिसांनी तक्रार नोंद करून अज्ञात व्यक्ती विरुद्ध गुन्हा नोंद केला. हणजूण पोलिस स्थानकाचे उपनिरीक्षक नितेश शिंगाडी हे तपास करीत आहेत.
