Shadashtak Yoga
मुंबई : वैदिक ज्योतिषशास्त्रात ग्रहांची हालचाल आणि त्यांची परस्पर स्थिती अत्यंत महत्त्वाची मानली जाते. जेव्हा गोचर करणारे ग्रह एकमेकांशी विशिष्ट कोन करतात, तेव्हा विविध शुभ आणि अशुभ ग्रहयोग तयार होतात. ज्योतिषीय गणनेनुसार, ग्रहांच्या विशिष्ट स्थितीमुळे ९ ऑक्टोबरपासून एक धोकादायक 'षडाष्टक योग' तयार होत आहे.
हा योग तेव्हा तयार होतो जेव्हा दोन ग्रह एकमेकांपासून सहाव्या आणि आठव्या घरात स्थित असतात. ही स्थिती ज्योतिषशास्त्रात सामान्यतः प्रतिकूल मानली जाते. याचा प्रभाव काही राशींच्या व्यक्तींच्या आयुष्यात अशांतता आणि आव्हाने निर्माण करू शकतो. या 'षडाष्टक योगा'मुळे कोणत्या राशींना कठीण प्रसंगांचा सामना करावा लागू शकतो आणि या काळात कोणती खबरदारी घ्यावी, हे आपण जाणून घेऊया.
ज्योतिष तज्ज्ञांच्या मते, जेव्हा दोन ग्रहांमध्ये १५० अंशांचे अंतर असते, त्या स्थितीला 'षडाष्टक' म्हटले जाते. तेव्हा मानसिक तणाव, कामात अडथळे आणि आरोग्याशी संबंधित समस्या उद्भवू शकतात. या काळात आर्थिक व्यवहार, करिअरविषयक निर्णय आणि नातेसंबंधांबाबत अत्यंत सावधगिरी बाळगणे आवश्यक आहे.
मेष रास
मेष राशीच्या लोकांसाठी ९ ऑक्टोबरपासून तयार होणारा 'षडाष्टक योग' काही कठीण परिस्थिती निर्माण करू शकतो. कामाच्या ठिकाणी सहकारी किंवा वरिष्ठांशी वैचारिक मतभेद होण्याची शक्यता आहे. या काळात, रागावर नियंत्रण ठेवा आणि कोणतीही कागदपत्रे हाताळण्यापूर्वी किंवा गुंतवणूक करण्यापूर्वी अत्यंत काळजी घ्या.
कर्क रास
कर्क राशीच्या लोकांसाठी हा काळ मानसिक आणि आर्थिक अशा स्थीती आव्हानात्मक ठरू शकतो. अनावश्यक खर्च वाढू शकतात, ज्यामुळे तुमचे बजेट विस्कळीत होऊ शकते. कौटुंबिक जीवनातही, छोट्या-छोट्या गोष्टींचे भांडवल करणे टाळावे; कारण असे केल्याने तणाव वाढू शकतो.
तूळ रास
तूळ राशीच्या व्यक्तींनी या काळात आरोग्याबाबत विशेष काळजी घेतली पाहिजे. किरकोळ आजार किंवा जुन्या आरोग्य समस्या पुन्हा उद्भवू शकतात. नोकरी करणाऱ्यांना प्रलंबित कामे वेळेवर पूर्ण करण्यासाठी अतिरिक्त प्रयत्न करावे लागू शकतात. वादविवाद आणि भांडणांपासून दूर राहणेच हिताचे ठरेल.
मकर रास
मकर राशीच्या व्यक्तींसाठी हा काळ संयमाची परीक्षा पाहणारा ठरू शकतो. व्यवसायात तुम्हाला तीव्र स्पर्धेचा सामना करावा लागू शकतो आणि नियोजित कामे वेळेवर पूर्ण न झाल्यामुळे निराशा येऊ शकते. या काळात कोणालाही पैसे उसने देणे किंवा घेणे टाळावे आणि गुप्त शत्रूंपासून सावध राहावे.
