Swiggy Zomato Food Delivery Platform Fee Increase: ऑनलाइन फूड ऑर्डर करणं आता हळूहळू महाग होत चाललं आहे. कारण, Swiggy ने आपल्या प्लॅटफॉर्म फीमध्ये वाढ केली असून, काही दिवसांपूर्वीच Zomato नेही अशीच वाढ केली होती. या दोन मोठ्या कंपन्यांच्या निर्णयामुळे आता प्रत्येक ऑर्डरवर ग्राहकांना अधिक पैसे मोजावे लागणार आहेत.
स्विगीने प्लॅटफॉर्म फी 14.99 रुपयां वरून 17.58 रुपये केली आहे. म्हणजेच प्रति ऑर्डर सुमारे 2.59 रुपयांची वाढ झाली आहे. ही फी आता सर्व फूड ऑर्डर्सवर लागू झाली आहे. ही फी डिलिव्हरी चार्ज, GST आणि खाद्यपदार्थांच्या किमतींसोबत बिलात जोडली जाते.
Zomato नेही अलीकडेच आपली प्लॅटफॉर्म फी वाढवून 14.90 रुपये प्रति ऑर्डर केली आहे. पूर्वी ही फी कमी होती. पण आता ती प्रत्येक ऑर्डरवर ही फी आकारली जात आहे. प्लॅटफॉर्म फी म्हणजे प्रत्येक ऑर्डरवर लावला जाणारा एक फिक्स चार्ज. ऑर्डर कितीही लहान किंवा मोठी असली तरी ही फी लागते. म्हणजे तुम्ही 200 रुपयांची ऑर्डर करा किंवा 1000 रुपयांची ही फी सारखीच असते. यामुळे विशेषतः लहान ऑर्डर्सवर अधिक परिणाम होतो.
आता साधारणपणे ग्राहकांच्या बिलात खालील वाढ केली जाणार आहे.
स्विगीवर: आधीच्या तुलनेत 2.59 रुपये प्रति ऑर्डर
झोमॅटोवर: आधीच्या तुलनेत वाढ (सुमारे ₹2-₹3 पर्यंत, शहरानुसार बदलू शकते)
जर एखादा ग्राहक महिन्याला 15-20 वेळा ऑर्डर करत असेल, तर त्याला अतिरिक्त 50 ते 100 रुपयांपर्यंत जास्त खर्च करावा लागू शकतो.
सध्या फूड डिलिव्हरी कंपन्यांचा खर्च वाढत आहे:
इंधनाच्या वाढत्या किमती
डिलिव्हरी पार्टनर्सचे पेमेंट
टेक्नॉलॉजी आणि अॅप ऑपरेशन खर्च
कस्टमर सपोर्ट
मध्यपूर्वेतील तणावामुळे तेलाच्या किमती वाढल्या आहेत, ज्याचा थेट परिणाम डिलिव्हरी खर्चावर होत आहे.
या वाढीचा थेट परिणाम ग्राहकांवर होणार आहे. प्रत्येक ऑर्डर महाग होणार, लहान ऑर्डर करणं खर्चिक होणार आहे, डिस्काउंट असूनही बिल जास्त येणार. काही सबस्क्रिप्शन प्लॅन्सवर (जसे की फ्री डिलिव्हरी) सुट मिळत असली, तरी प्लॅटफॉर्म फी द्यावीच लागणार.
Swiggy आणि Zomato या दोन्ही मोठ्या कंपन्यांनी प्लॅटफॉर्म फी वाढवल्यानंतर आता ऑनलाइन फूड ऑर्डर करणं पूर्वीपेक्षा महाग झालं आहे. ही फी आता तात्पुरती नसून कायमस्वरूपी असणार आहे. त्यामुळे पुढील काळात ग्राहकांना ऑनलाइन ऑर्डर करताना थोडं जास्त बजेट ठेवावं लागणार आहे.
