Stock Market Updates
भारतीय शेअर बाजाराची शुक्रवारी (दि.१६) सुरुवात घसरणीसह झाली. सुरुवातीच्या व्यवहारात सेन्सेक्स २०० अंकांनी घसरून ८२,३३० पर्यंत खाली आला. तर निफ्टी ५० निर्देशांक २५ हजारांच्या पातळीवर व्यवहार करत आहे. दोन्ही निर्देशांक गुरुवारी सात महिन्यांच्या उच्चांकावर पोहोचले होते. पण आज बाजारात दबाव दिसून येत आहे.
सेन्सेक्सवर भारती एअरटेल, इंडसइंड बँक, एसबीआय, एचसीएल टेक, इन्फोसिस, सन फार्मा, टेक महिंद्रा, एम अँड एम, नेस्ले इंडिया हे शेअर्स घसरले आहेत. तर दुसरीकडे एनटीपीसी, इर्टनल, टाटा मोटर्स, अदानी मोटर्स, अल्ट्राटेक सिमेंट, मारुती हे शेअर्स तेजीत खुले झाले आहेत.
सेक्टरल फ्रंटवर निफ्टी ऑटो, फायनान्सियल सर्व्हिसेस, मेटल, पीएसयू बँक, रियल्टी हे निर्देशांक हिरव्या रंगात खुले झाले आहेत. तर निफ्टी आयटी निर्देशांक घसरला.
चालू आर्थिक वर्षाच्या तीन तिमाहीत व्याजाचे उत्पन्न म्हणून ६७४ कोटी रुपये चुकीच्या पद्धतीने नोंदवल्याचे इंडसइंड बँकेने सांगितल्याने शुक्रवारी सुरुवातीच्या व्यवहारात त्याचे शेअर्स (IndusInd Bank shares) २ टक्केहून अधिक घसरले.
भारतीय शेअर बाजारात संमिश्र संकेत आहेत. दरम्यान, परदेशी संस्थात्मक गुंतवणूकदारांनी गुरुवारी एका दिवशी ५,३९३ कोटी रुपयांच्या भारतीय शेअर्सची खरेदी केली. ही गेल्या महिनाभरातील एका दिवसातील सर्वात मोठी खरेदी आहे. पण आशियाई बाजारात दबाव दिसून आला आहे. याचे काही प्रमाणात पडसाद बाजारात उमटले आहेत.
