Stock Market Today: देशांतर्गत शेअर बाजाराची सुरुवात घसरणीसह झाली आणि वाढत्या भू-राजकीय तणावाच्या पार्श्वभूमीवर बाजारात मोठा बदल पाहायला मिळत आहे. निफ्टी आणि बँक निफ्टी नव्या उच्चांकाजवळ उघडले असले, तरी बाजार फ्लॅट ट्रेडिंग करताना दिसला. मात्र PSU बँक शेअर्समध्ये चांगली खरेदी पाहायला मिळाली.
लॅटिन अमेरिकेत परिस्थिती अधिकच तणावपूर्ण बनली आहे. व्हेनेझुएला मधील घडामोडींमुळे जागतिक बाजारात अनिश्चितता आहे. व्हेनेझुएला संकटाच्या पार्श्वभूमीवर, अमेरिकेचे अध्यक्ष डोनाल्ड ट्रम्प यांनी पुन्हा एकदा भारताने अमेरिकेला तेल खरेदीवर सहकार्य न केल्यास कर वाढवण्याची धमकी दिली आहे.
इतक्या मोठ्या घडामोडी असूनही कच्च्या तेलाच्या किमतीत मोठी वाढ झाली नाही. ब्रेंट क्रूड सुमारे 61 डॉलर प्रति बॅरल या पातळीवरच राहिले. हे भारतासारख्या तेल आयातदार देशांसाठी दिलासादायक मानले जात आहे.
आशियामध्ये GIFT निफ्टी सुमारे 80 अंकांच्या वाढीसह 26,550 च्या आसपास व्यवहार करत होता. अमेरिकेत मात्र चित्र मिश्र राहिले. सलग चार दिवसांच्या घसरणीनंतर डाओ जोन्स 320 अंकांनी वाढला, तर नॅस्डॅक किरकोळ घसरणीसह बंद झाला.
भू-राजकीय तणावाचा परिणाम सुरक्षित गुंतवणुकीवर झाला. आंतरराष्ट्रीय बाजारात सोने तब्बल 85 डॉलरने वाढून 4,400 डॉलरच्या वर पोहोचले, तर चांदीत सुमारे 6 टक्क्यांची मोठी वाढ झाली आहे.
परदेशी संस्थागत गुंतवणूकदारांनी (FII) सलग आठ दिवसांच्या विक्रीनंतर शुक्रवारी सुमारे 2,900 कोटी रुपयांची निव्वळ खरेदी केली. दुसरीकडे, देशांतर्गत संस्थागत गुंतवणूकदारांनी (DII) 677 कोटींची खरेदी करत सलग 89व्या दिवशी खरेदी कायम ठेवली.
बँकिंग व फायनान्स: डिसेंबर तिमाहीत PNB, Bank of India, Bank of Baroda, Ujjivan SFB आणि AU Small Finance Bank यांचे आकडे चांगले आहेत.
कमकुवत कामगिरी: Bandhan Bank आणि RBL Bank.
मिश्र निकाल: IDBI Bank, J&K Bank, Union Bank.
NBFC: Bajaj Finance च्या नव्या कर्जात 15% वाढ, Bajaj Housing Finance च्या डिस्बर्समेंटमध्ये 32% वाढ, M&M Financial मध्ये 7% वाढ.
आज बाजाराची दिशा जागतिक भू-राजकीय घडामोडी, कमोडिटीच्या किमती, FII-DII फ्लो आणि तिमाही अपडेट्स यांवर अवलंबून राहण्याची शक्यता आहे.
