Stock Market Today: देशांतर्गत शेअर बाजाराने आठवड्याच्या शेवटी जोरदार सुरुवात केली. सुरुवातीच्या व्यवहारात सेंसेक्स 300 अंकांनी वाढत 85,000 च्या वर पोहोचला, तर निफ्टीने 85 अंकांची वाढ घेत 26,000 च्या वर पोहोचला. मेटल शेअर्समध्ये प्रचंड खरेदीचा ओघ असून, आयटी इंडेक्समधील घसरण सोडल्यास सर्वच सेक्टोरल इंडेक्स हिरव्या रंगात व्यवहार करताना दिसले.
सेंसेक्स 233 अंकांनी वाढत 85,051 वर उघडला. निफ्टी 73 अंकांच्या वाढीसह 25,971 वर उघडला. बँक निफ्टीनेही 192 अंकांनी वाढ घेत 59,401 वर सुरुवात केली. चलन बाजारात मात्र रुपया घसरला आणि डॉलरसमोर ₹90.54 चा नवा ऐतिहासिक नीचांक गाठला.
गेनर्स:
L&T, Hindalco, Tata Steel, BEL, Ultratech Cement, Indigo, Axis Bank
लूजर्स:
Wipro, Infosys, Max Health, Bajaj Auto, Tech Mahindra, HUL, ITC, HCL Tech
मेटल शेअर्समध्ये जोरदार खरेदी झाल्याने निफ्टी मेटल इंडेक्स आघाडीवर होता. आयटी शेअर्समध्ये मात्र घसरण होताना दिसत आहे.
GIFT निफ्टी 135 अंकांच्या वाढीसह 26,150 च्या वर व्यवहार करत होता.
अमेरिकन निर्देशांकांमध्येही मोठी वाढ झाली.
डाऊ इंडस्ट्रियल्स 650 अंकांनी वाढला
S&P 500 ने नवा विक्रम केला
रसेल 2000 सलग चौथ्या दिवशी ऑल टाइम हायवर
जपानचा निक्केई 650 अंकांच्या वाढीसह उघडला.
या सकारात्मक संकेतांमुळे भारतीय बाजारातील गुंतवणूकदारांचा आत्मविश्वास वाढला.
भारत आणि अमेरिकेमधील ट्रेड डीलचा मार्ग मोकळा होत असल्याचे संकेत मिळताच बाजार आणखी वाढला. पंतप्रधान नरेंद्र मोदी आणि अमेरिकेचे राष्ट्राध्यक्ष डोनाल्ड ट्रम्प यांच्यातील फोनवरील चर्चेमुळे गुंतवणूकदारांमध्ये उत्साह वाढला.
चांदीने 10,600 रुपयांची वाढ घेत 1,99,220 रुपयांचा नवा विक्रम केला
जागतिक बाजारातही चांदी 4% वाढून 64.50 डॉलरवर
सोने 2,900 रुपयांनी वाढून 1,32,550 रुपये
कच्चे तेल मात्र 1.5% घसरून 61 डॉलरजवळ स्थिर
डॉलर इंडेक्स दोन महिन्यांच्या नीचांकी पातळीवर आहे.
एफआयआयची सलग 11व्या दिवशी विक्री, पण डेरिव्हेटिव्ह पोजिशनच्या आधारावर नेट 1,025 कोटींची खरेदी.
डीआयआयची 74 दिवसांची विक्रमी खरेदी, काल 3,800 कोटींची खरेदी झाली.
