भारतीय स्टेट बँकेचे (SBI) ग्राहक असाल तर ही महत्त्वाची माहिती आहे. बँकेच्या देखभाल व प्रणाली अद्ययावत करण्याच्या कामामुळे काही डिजिटल सेवा ८ जून २०२५ रोजी पहाटे काही काळासाठी बंद राहणार आहेत. बँकेने ही माहिती अधिकृत ट्विटर खात्यावरून दिली आहे.
बँकेने कळवले आहे की नियोजित देखभाल कार्यामुळे युनिफाइड पेमेंट्स इंटरफेस (UPI), IMPS, YONO, रिटेल इंटरनेट बँकिंग, NEFT आणि RTGS या सेवा ८ जून रोजी पहाटे ३.४५ ते ४.३० या वेळेत उपलब्ध राहणार नाहीत. त्यानंतर सर्व सेवा सुरळीतपणे पुन्हा सुरू होतील.
बँकेने ग्राहकांना सल्ला दिला आहे की, या वेळेत आवश्यक व्यवहार आधीच पूर्ण करून घ्यावेत. तसंच, UPI Lite व ATM सेवा या वेळेत वापरण्याचीही सूचना देण्यात आली आहे.
UPI Lite चा वापर करून लहान रकमेचे व्यवहार UPI PIN शिवाय करता येतील. तर एटीएमच्या माध्यमातून रोख रक्कम काढणे व काही मूलभूत सेवा उपलब्ध असतील.
एसबीआयने स्पष्ट केले आहे की, ही देखभाल प्रक्रिया नेहमीच ठराविक कालावधीत केली जाते आणि यामुळे काही सेवा काही वेळेसाठी बंद ठेवण्यात येतात.
ग्राहकांनी आपल्या महत्त्वाच्या व्यवहारांपूर्वीच पूर्ण करून घ्यावेत, तसेच कोणताही संशयास्पद व्यवहार आढळल्यास तत्काळ बँकेशी संपर्क साधावा, असे आवाहन एसबीआयने केले आहे.
