Gold Silver Price Today: गेल्या काही दिवसांपासून चढ-उतार सुरू असलेल्या सोन्याच्या दरात पुन्हा एकदा घसरण पाहायला मिळाली आहे. आज 18 सप्टेंबर रोजी देशातील प्रमुख शहरांमध्ये 24 कॅरेट आणि 22 कॅरेट सोन्याचे दर काहीसे खाली आले आहेत. राजधानी दिल्लीमध्ये 24 कॅरेट सोन्याचा भाव 1,52,980 रुपये प्रति 10 ग्रॅम झाला आहे.
मनीकंट्रोलने दिलेल्या माहितीनुसार दिल्लीत 22 कॅरेट सोन्याचा दर सध्या 1,40,240 रुपये प्रति 10 ग्रॅम आहे. त्याचवेळी मुंबई आणि कोलकाता या शहरांमध्ये 24 कॅरेट सोन्याचा भाव 1,52,830 रुपये प्रति 10 ग्रॅम, तर 22 कॅरेट सोन्याचा दर 1,40,090 रुपये प्रति 10 ग्रॅमवर आला आहे.
पुणे आणि बंगळुरूमध्येही सोन्याचे दर मुंबई आणि कोलकात्याप्रमाणेच आहेत. या दोन्ही शहरांमध्ये 24 कॅरेट सोन्याचा भाव 1,52,830 रुपये प्रति 10 ग्रॅम, तर 22 कॅरेट सोन्याचा दर 1,40,090 रुपये प्रति 10 ग्रॅम आहे.
दरम्यान, दिल्लीतील सराफा बाजारात एक दिवस आधी 99.9 टक्के शुद्धतेच्या सोन्याच्या दरात 600 रुपयांची घट झाली होती. त्यामुळे सध्या सोन्याच्या बाजारात काही प्रमाणात घसरण दिसून येत आहे.
सोन्याच्या दरात सध्या घसरण दिसत असली तरी भविष्यात सोन्याच्या किमतीत मोठी वाढ होऊ शकते, असा अंदाज जेफरीजचे ग्लोबल हेड ऑफ इक्विटी स्ट्रॅटेजी क्रिस वुड यांनी व्यक्त केला आहे.
Jefferies India Forum 2026 दरम्यान CNBC-TV18 शी बोलताना वुड यांनी सोन्याचा भाव भविष्यात 10,000 डॉलर प्रति औंस या पातळीपर्यंत पोहोचण्याची शक्यता व्यक्त केली. सध्याच्या पातळीच्या तुलनेत हा मोठा वाढीचा टप्पा ठरू शकतो.
सध्या आंतरराष्ट्रीय बाजारात स्पॉट गोल्डचा भाव 4,317.11 डॉलर प्रति औंस आहे. त्यामुळे जागतिक बाजारातील हालचालींकडे गुंतवणूकदारांचे लक्ष लागले आहे.
सोन्याबरोबरच चांदीच्या दरातही 18 सप्टेंबरच्या व्यवहारात घसरण झाली. देशांतर्गत बाजारात चांदीचा भाव कमी होऊन 2,44,900 रुपये प्रति किलोग्रॅम झाला आहे.
आंतरराष्ट्रीय बाजारातही चांदीच्या दरात घट झाली असून स्पॉट सिल्व्हरचा भाव 64.06 डॉलर प्रति औंसवर आला आहे.
सोन्या आणि चांदीच्या किमतींवर देशांतर्गत मागणी, चलनातील चढ-उतार, डॉलरची स्थिती, अमेरिकेतील व्याजदर आणि बॉन्ड यील्ड यांसारख्या अनेक घटकांचा परिणाम होतो. त्यामुळे दररोजच्या बाजारातील बदलानुसार सोने-चांदीच्या किमतींमध्ये चढ-उतार होत राहतात.
