Gold-Silver Rate Today: सोन्या आणि चांदीच्या दरातील घसरण सलग दुसऱ्या दिवशीही कायम राहिली आहे. मंगळवारी मल्टी कमोडिटी एक्सचेंज (MCX) वर व्यवहार सुरू होताच चांदीच्या वायदा दरात 5,000 रुपयांहून अधिक घसरण झाली, तर सोन्याच्या दरातही मोठी घसरण झाली. त्यामुळे मौल्यवान धातूंमध्ये गुंतवणूक करणाऱ्यांचे लक्ष पुन्हा एकदा बाजाराकडे लागले.
MCX वर सप्टेंबर डिलिव्हरीच्या चांदीचा वायदा भाव व्यवहाराच्या सुरुवातीलाच 2,30,803 रुपये प्रति किलो या पातळीवर घसरला. मागील सत्रात हा भाव 2,36,099 रुपये प्रति किलो होता. म्हणजेच एका दिवसात चांदी 5,296 रुपयांनी स्वस्त झाली.
विशेष म्हणजे, गेल्या दोन व्यापार सत्रांमध्ये चांदीच्या दरात एकूण 6,607 रुपयांची घसरण झाली आहे. शुक्रवारी चांदीचा भाव 2,37,410 रुपये प्रति किलो होता.
यावर्षी जानेवारी महिन्यात चांदीने ऐतिहासिक उच्चांक गाठत 4 लाख रुपयांपेक्षा अधिक प्रति किलोचा टप्पा ओलांडला होता. मात्र त्यानंतर सातत्याने घसरण होत असून सध्याचा भाव त्या विक्रमी पातळीच्या जवळपास निम्मा आहे.
31 डिसेंबर 2025 रोजी चांदीचा वायदा दर 2,54,082 रुपये प्रति किलो होता. त्यानंतर दर झपाट्याने वाढले, पण आता पुन्हा मोठी घसरण पाहायला मिळत आहे.
चांदीप्रमाणेच सोन्याच्या दरातही घसरण सुरूच आहे. MCX वर 10 ग्रॅम सोन्याचा वायदा भाव 1,45,351 रुपयांवर आला. मागील व्यवहारात हा भाव 1,46,917 रुपये प्रति 10 ग्रॅम होता. यामुळे एका दिवसात 10 ग्रॅम सोन्याचा भाव 1,566 रुपयांनी कमी झाला आहे.
गेल्या आठवड्याच्या शेवटच्या सत्रात सोन्याचा भाव 1,47,378 रुपये प्रति 10 ग्रॅम होता. त्यानंतर आतापर्यंत तो 2,027 रुपयांनी घसरला आहे.
यावर्षी जानेवारीत सोन्याने प्रथमच 2 लाख रुपये प्रति 10 ग्रॅम हा विक्रमी टप्पा गाठला होता. मात्र त्यानंतर त्यातही मोठी घसरण झाली आहे.
तज्ज्ञांच्या मते, सोने आणि चांदीच्या किमतींमध्ये सध्या मोठ्या प्रमाणात चढ-उतार सुरू आहेत. त्यामुळे या मौल्यवान धातूंमध्ये किंवा गोल्ड आणि सिल्व्हर ETF मध्ये गुंतवणूक करण्यापूर्वी बाजारातील परिस्थितीचा अभ्यास करणे आणि आर्थिक सल्लागारांचा सल्ला घेणे महत्त्वाचे आहे.
सध्या दर घसरले असले तरी जागतिक आर्थिक घडामोडी, डॉलरचा दर, व्याजदर आणि आंतरराष्ट्रीय बाजारातील मागणी-पुरवठा यावर पुढील काळातील किंमतींची दिशा अवलंबून असेल.
