Gold Silver Price Crash: गेल्या काही दिवसांत सोन्या-चांदीच्या दरांमध्ये मोठे चढ-उतार दिसून आले आहेत. आठवड्याच्या शेवटी दरात वाढ दिसली असली, तरी उच्चांकाच्या तुलनेत दोन्ही मौल्यवान धातू स्वस्त झाले आहे. मल्टी कमोडिटी एक्सचेंज ऑफ इंडिया (MCX) वर 24 कॅरेट सोने 10 ग्रॅमसाठी ₹1,49,650 वर बंद झाले, तर चांदीचा दर ₹2,32,600 प्रति किलोवर आला.
यंदाच्या जानेवारी महिन्यात चांदीने ऐतिहासिक उच्चांक गाठत ₹4,39,337 प्रति किलोचा स्तर ओलांडला होता. मात्र त्यानंतर दरात सातत्याने घसरण होत गेली. सध्याच्या ₹2,32,600 दरानुसार चांदी अजूनही आपल्या उच्चांकापेक्षा तब्बल ₹2,06,737 प्रति किलो स्वस्त आहे.
चांदीप्रमाणेच सोन्यालाही घसरणीचा फटका बसला आहे. जानेवारीत सोने ₹2,02,984 प्रति 10 ग्रॅमपर्यंत पोहोचले होते. आता ते ₹1,49,650 वर येऊन थांबले असून, उच्चांकाच्या तुलनेत सुमारे ₹53,334 ने स्वस्त झाले आहे.
दरम्यान, गेल्या आठवड्यात दोन्ही धातूंमध्ये काही प्रमाणात वाढ झाली आहे.
सोन्याचा दर ₹1,47,255 वरून ₹1,49,650 पर्यंत वाढला (₹2,395 वाढ)
चांदीचा दर ₹2,27,954 वरून ₹2,32,600 पर्यंत वाढला (₹4,646 वाढ)
इंडिया बुलियन अँड ज्वेलर्स असोसिएशनच्या (IBJA) आकडेवारीनुसार, देशांतर्गत बाजारातही सोन्या-चांदीच्या दरात वाढ झाली आहे.
सोने: ₹1,42,942 → ₹1,46,608 (₹3,666 वाढ)
चांदी: ₹2,21,647 → ₹2,27,813 (₹6,166 वाढ)
सर्राफा बाजारात ज्वेलरी खरेदी करताना 3% GST आणि मेकिंग चार्ज वेगळा आकारला जातो. त्यामुळे प्रत्यक्ष खरेदी करताना दर अधिक वाढतो.
सोन्या-चांदीच्या किंमती सध्या उच्चांकापेक्षा खूप खाली असल्या, तरी अल्पकालीन तेजी कायम आहे. त्यामुळे गुंतवणूकदारांनी घाई न करता तज्ञांचा सल्ला घेऊनच निर्णय घ्यावा. बाजारातील अस्थिरता पाहता पुढील काळात दरात आणखी चढ-उतार होण्याची शक्यता नाकारता येत नाही.
