पुढारी ऑनलाईन: आज 2021 वर्षाचा शेवटचा दिवस आहे. उद्यापासून आपण नवीन वर्षाकडे जाऊ, ज्याची प्रत्येकजण वाट पाहत आहे. परंतु वर्षाचा हा शेवटचा दिवस अनेक अर्थांनी महत्त्वाचा आहे. वास्तविक, अशी अनेक कामे आहेत जी करण्याचा आजचा शेवटचा दिवस आहे आणि तुम्ही आजच ती कामे पूर्ण करा नाही तर नवीन वर्षात तुम्ही अडचणीत येऊ शकता. आम्ही तुम्हाला अशाच काही महत्त्वाच्या गोष्टीसांगत आहोत, ज्या तुम्ही आतापर्यंत केल्या नसतील, तर आज कोणत्याही परिस्थितीत करा.
तुम्ही अद्याप तुमचा इन्कम टॅक्स रिटर्न (ITR) भरला नसेल, तर आज मध्यरात्री 12 पर्यंत तो फाईल करा. आर्थिक वर्ष 2020-21 साठी प्राप्तिकर रिटर्न भरण्याची अंतिम तारीख 31 डिसेंबर 2021 आहे. असे न केल्यास तुम्हाला दंड होऊ शकतो.
केवायसी केवळ बँक खात्यांसाठीच नाही तर डीमॅट खात्यांसाठीही आवश्यक आहे. डीमॅट खात्यासाठी केवायसी करण्याची अंतिम तारीख ३१ डिसेंबर २०२१ आहे. जर तुमचेही डिमॅट खाते असेल आणि तुमची केवायसी अद्याप झालेली नसेल, तर हे काम त्वरित पूर्ण करा. अन्यथा तुमचे डिमॅट खाते निष्क्रिय होऊ शकते. खाते निष्क्रिय झाल्यावर तुम्ही ट्रेडिग करू शकणार नाही.
आता भविष्य निर्वाह निधी (पीएफ) खात्याला नॉमिनी जोडणे देखील आवश्यक झाले आहे. यासाठी कर्मचारी भविष्य निर्वाह निधी संघटना (EPFO) आपल्या सर्व खातेदारांना खूप पूर्वीपासून संदेश पाठवत होती. आज 31 डिसेंबर 2021 ही नॉमिनी जोडण्याची शेवटची तारीख आहे. जर तुम्ही आज तुमच्या पीएफ खात्यात नॉमिनी जोडला नाही, तर तुमच्या पीएफ खात्याशी संबंधित अनेक कामे थांबू शकतात.
4. लेखापरीक्षण अहवाल दाखल करणे
जर तुम्ही तुमच्या व्यवसायातून वार्षिक 10 कोटी रुपयांपेक्षा जास्त कमावत असाल, तर तुमच्यासाठी ITR सोबत ऑडिट रिपोर्ट दाखल करणे आवश्यक आहे. 50 लाखांपेक्षा जास्त आयकर भरला जातो. त्याची अंतिम तारीख देखील 31 डिसेंबर 2021 आहे. अशा परिस्थितीत आज रात्री 12 वाजण्यापूर्वी हे काम पूर्ण करा.
5. जीवन प्रमाणपत्र
जर तुम्ही पेन्शनधारक असाल, तर तुम्हाला दरवर्षी हयातीचे प्रमाणपत्र देणे आवश्यक आहे. या आधारावर तुम्हाला पुढील वर्षी पेन्शन मिळते. जर तुम्ही हे काम अजून केले नसेल तर आजच म्हणजेच 31 डिसेंबर 2021 रोजी कोणत्याही परिस्थितीत तुमचे जीवन प्रमाणपत्र सादर करा, अन्यथा तुमचे नुकसान होऊ शकते. जीवन प्रमाणपत्र सादर करण्यासाठी, jeevanpramaan.gov.in ला भेट द्या. याशिवाय पोर्टलवरून जीवन प्रण अॅप डाउनलोड करूनही हे काम करू शकता.
