एंडोमेट्रिओसिस ही महिलांमध्ये गर्भाशयाशी संबंधित समस्या आहे. यामध्ये, गर्भाशयाच्या आतील ऊती वाढतात व बाहेर पडू लागतात आणि गर्भाशयाच्या बाहेर पसरतात. त्या फॅलोपियन ट्यूब आणि अंडाशयांच्या बाहेरील आणि आतील भागातही पसरतात. यामुळे स्त्रियांना मासिक पाळी, लघवी करताना जास्त वेदना होतात. या समस्येमुळे महिलांमध्ये प्रजनन क्षमता कमी होते. तसेच वंध्यत्व, तीव्र ओटीपोटात वेदना, मळमळ, गोळा येणे, थकवा, नैराश्य आणि चिंता या समस्यांचाही सामना करावा लागतो.
संबधित बातम्या
एंडोमेट्रिओसिस हे वंध्यत्वाचे एक सामान्य कारण आहे. यामुळे अंडाशय किंवा फॅलोपियन नलिकांभोवती एंडोमेट्रियल ऊतींचे रोपण होऊ शकते, परिणामी जळजळ आणि ऊतींना डाग पडू शकतात. एंडोमेट्रिओसिस हे रोगप्रतिकारक प्रणालीवरही परिणाम करते. त्यामुळे हार्मोनल स्थिती बदलते, भ्रूण रोपण करण्यास अडथळा येतो आणि अंड्याच्या गुणवत्तेवरही परिणाम होतो. हे ओव्हुलेशन आणि हार्मोनल संतुलनात व्यत्यय आणते. फॅलोपियन ट्यूबमध्ये अडथळा आणू शकते किंवा विकृत करू शकते; ज्यामुळे शुक्राणूंना अंड्यापर्यंत पोहोचणे किंवा फलित अंड्यांना रोपणासाठी गर्भाशयात जाता येत नाही. सुदैवाने, एंडोमेट्रिओसिसच्या बर्याच प्रकरणांवर ऊती आणि कोणतेही डाग असलेले ऊतक काढून टाकून उपचार केले जाऊ शकतात आणि गर्भधारणेची शक्यता वाढते. यासाठी लक्षणे जाणून घेणे आणि उशीर करण्याऐवजी वेळेवर उपचार घेणे आवश्यक आहे.
या लक्षणांकडे दुर्लक्ष करू नये
याच्या सर्वात सामान्य लक्षणांपैकी एक म्हणजे ओटीपोटात होणारी वेदना. ही वेदना मासिक पाळीच्या आधी आणि दरम्यान, संभोगा दरम्यान किंवा अगदी दैनंदिन कामांमध्ये दिसून येते. ओटीपोटातील वेदनांव्यतिरिक्त, जास्त रक्तस्राव किंवा अनियमित मासिक पाळी येऊ शकते. एंडोमेट्रिओसिस असलेल्या स्त्रियांना अधिक रक्तस्राव होऊ शकतो; पण मासिक पाळीदरम्यान अतिरक्तस्राव होणे हे दरवेळी एंडोमेट्रिओसिसचे लक्षण असून शकत नाही.
आणखी एक लक्षण म्हणजे वंध्यत्व. या स्थितीमुळे होणारे प्रजनन अवयवांच्या कार्यात व्यत्यय येतो आणि प्रजननक्षमतेवर परिणाम होतो. ज्यामुळे गर्भाधान आणि गर्भारोपणात अडचणी येतात. स्त्रियांमध्ये काहींना मासिक पाळी किंवा संभोगादरम्यान वेदना जाणवतात, तर इतरांना कोणतीही लक्षणे दिसून येत नाहीत.
हेही वाचा :
