Shivani Rangole-Shweta Mehandale हिवाळी सुट्टीवर, फोटो आले समोर
पुढारी ऑनलाईन डेस्क : सुट्ट्या आपल्याला रिफ्रेश करतात, आपल्याला रिचार्ज करायला मदत करतात आज आपले टीव्ही मालिकांमधले (Shivani Rangole-Shweta Mehandale ) कलाकार ही त्यांच्या हिवाळ्यातल्या सुट्टीच्या आठवणी ताज्या करताहेत.(Shivani Rangole-Shweta Mehandale)
संबंधित बातम्या –
'तुला शिकवीन चांगलाच धडा'ची अक्षरा म्हणजे शिवानी रांगोळे, "मला हिवाळ्यात लेह-लडाख आणि राजस्थान खूप आवडतं. बर्फाच्छादित हिमालयाची शिखरे, मनमोहक दऱ्या, उंच पर्वतरांगा, हिवाळ्यात पाहायला एक वेगळाच आनंद मिळतो. मन एकदम रिफ्रेश होऊन जातं.
आपल्या भारतात इतकं नैसर्गिक सौंदर्य, समृद्ध संस्कृती, परंपरा आणि आदरातिथ्य आहे हे प्रत्येकाने आवर्जून अनुभवलं पाहिजे मला वाटतं. हिवाळ्यात फिरताना नेहमी त्वचेची आणि कपड्यांची काळजी घ्या. थंड ठिकाणी मी नेहमी ओव्हरसाईझ कोट्स आणि हुडीज वापरते, माझ्याकडे विराजसच्या आणि माझ्या आज्जीने दिलेले लोकरीचे मोजे आहेत ते मी वापरते. त्यासोबत असे मॉईश्चरायजर जे दुधात बनले आहेत ते लावते ज्यांनी माझी त्वचा कोरडी पडत नाही.
'सातव्या मुलीची सातवी मुलगी' मधली श्वेता मेहेंदळे, "माझा जन्म मुंबईचा असल्यामुळे माझ्याकडे काहीकाळ स्वेटरच नव्हते. गेल्यावर्षी जेव्हा कोकण राईड केली तेव्हा कळलं की, पहाटे कोकणात बाईक राईडमध्ये थंडी लागते. पण मग जेव्हा मी गोव्याची राईड केली तेव्हा पहिल्यांदा थर्मल, हात मोजे घेतले. मला मुळात थंडी तशी कमी वाजते. पण थंडीमध्ये कोकणात फिरायला तेही पहाटे बाईकवरून खूप प्रसन्न वाटतं. मोकळे रस्ते, थंडगार वारा त्यासोबत मी आणि माझी बाईक, वाट पाहते आहे मी सुट्टीची परत हे सगळं अनुभवायला.