Shah Rukh Khan Lalbagcha Raja viral video: मुंबईत सार्वजनिक गणेश उत्सवाची धामधूम आता शिगेला पोहचली आहे. मुंबईतील सर्वात मोठं आकर्षण लालबागचा राजाचे दर्शन घेण्यासाठी सामान्य नाही तर सेलिब्रेटी देखील रांगा लावतात. बॉलीवूडचा स्टार शाहरूख खान देखील आपल्या कुटुंबासह लालबागच्या दर्शनासाठी गेला होता. मात्र तिथला एक व्हिडिओ सध्या सोशल मीडियावर चांगलाच व्हायरल होत आहे. पत्नी गौरीसमोरच शाहरूखनं जे काही केलं ते पाहून चाहते अवाकच झाले आहेत.
शाहरूख खान लालबागच्या दरबारात पत्नी गौरी खान, मुलगी सुहाना खान आणि मॅनेजर पूजा ददलानीयांच्यासोबत आला होता. त्याने बाप्पाला वाकून नमस्कार केला अन् आशीर्वाद घेतला. लालबागच्या दर्शनसाठी प्रचंड गर्दी असते. त्यात उष्णतेमुळं शाहरूख खानला चांगलाच घाम फुटला होता.
शाहरूखचे लालबागच्या राजाचे दर्शन घेतानाचे अनेक व्हिडिओ व्हायरल होत आहेत. त्यातील एक व्हिडिओने सर्वांचे लक्ष वेधून घेतलं आहे. घामाघुम झालेला शाहरूख त्याची मॅनेजर पूजा ददलानीच्या ओढणीने चेहरा पुसताना दिसला. यावेळी गौरी खान आणि मुलगी सुहाना खान त्याच्या शेजारीच होते. तरी देखील शाहरूखने सर्वांसमोर पूजाच्या ओढणीने आपला चेहरा पुसला.
पूजा ददलानी ही शाहरूखची अत्यंत विश्वासातील मॅनेजर असून ती त्यांच्या कुटुंबातील एक सदस्याप्रमाणेच आहे. त्यामुळं तिच्या ओढणीने आपला चेहरा पुसण्यात शाहरूखला काहीच वाटलं नाही. शाहरूख एवढ्या गर्दीत देखील फोटोग्राफर्सना निराश केलं नाही. त्याने हसत हसत फोटोसाठी पोज दिली.
शाहरूखने लालबागच्या राजाच्या दर्शनासाठी येताना निळ्या रंगाचा कुर्ता आणि पायजमा घातला होता. तर सुहानाने हिरव्या रंगाचा पारंपरिक ड्रेस घातला होता. गौरीने पिवळ्या रंगाचा सूट घातला होता. खान फॅमिली एथनिक लूकमध्ये होती.
शाहरूख खान मुस्लिम असला तरी तो प्रत्येक धर्म समान मानतो. तो प्रत्येक धर्माला आदराच्या भावनेनं पाहतो. त्यांच्या घरी दर वर्षी गणपती बाप्पा विराजमान होतात.