पुढारी ऑनलाईन डेस्क : माधुरी दीक्षितने बॉलीवूडमध्ये अनेक वर्षांपासून आपले वलय निर्माण केले आहे. ही बॉलीवूडच्या सर्वात सुंदर अभिनेत्रींपैकी एक आहे. तिने आपल्या करिअरची सुरुवात १९८४ मध्ये रिलीज झालेला चित्रपट 'अबोध'मधून केलं होतं. या चित्रपटामध्ये तिने गौरीची भूमिका साकारली होती. या चित्रपटाचे दिग्दर्शक हिरेन नाग होते. या चित्रपटामध्ये तिने तापस पाल, शीला डेविड, दिनेश हिंगू, लीला मिश्रा, अशोक सराफ, विनोद शर्मा यांच्यासोबत काम केलं होतं. चित्रपटामध्ये एक मॉडर्न मुलगी असो वा पारंपरिक तरुणीची भूमिका, त्याचबरोबर देवदासमध्ये तिचा चंद्रमुखीची भूमिका एक वेगळी भूमिका होती. साऊथ डान्सर प्रभुदेवा आणि ऋतिक रोशन देखील माधुरीला सर्वोत्कृष्ट अभिनेत्री मानतात. तुम्हाला माहितीये का, माधुरीने डॉक्टर व्हावं, अशी त्यांची इच्छा होती. पण, माधुरी अभिनेत्री झाली. एका मध्यमवर्गीय कुटूंबातून आलेली माधुरी धकधक गर्ल कशी बनली? जाणून घेऊया.
हम आपके है कौन, दिल तो पागल है, तेजाब, देवदास आणि अन्य अनेक चित्रपट क्लासिक ठरले आहेत. 'हम आपके है कौन' मध्ये माधुरीची अभिनय, भावमुद्रा आणि डान्समध्ये सलमान खान पेक्षा अधिक चर्चा झाली होती. अनेक वर्षांनंतर आजदेखील लोक तिला 'दीदी तेरा देवर दीवाना', 'एक दो तीन', 'धक धक करने लगा', डोला रे डोला', 'हमको आजकल है इंतजार' गाण्यासाठी आठवण करतात.
माधुरीच्या आई-वडिलांची इच्छा होती की, तिने डॉक्टर व्हावं. पण, माधुरी अभिनय क्षेत्रातून पुढे आली. माधुरीला दोन बहिणी आहेत- रूपा आणि भारती. माधुरी प्रमाणेच दोघीही ट्रेंड कथ्थक डान्सर आहेत. माधुरीची बहिण लाईमलाईटपासून दूर राहते. पण दोन्ही बहिणींनी माधुरीला पुढे जाण्यासाठी प्रोत्साहन दिलं.
माधुरीचा भाऊ अजित दीक्षितने तिचे पती डॉ. श्रीराम नेने यांची पहिली भेट घडवून आणली होती. अजितने डॉ. नेनेंच्या परिवाराला गुपचुपपणे एका पार्टीत बोलावलं होतं. येथेय माधुरी आणि डॉ. नेने यांची भेट झाली होती, खुलासा एका मुलाखतीत माधुरीने केला होता.
हेदेखील वाचा –