मुंबई; वृत्तसंस्था : भारताचा अष्टपैलू खेळाडू रवींद्र जडेजा पाच महिन्यांनंतर मैदानात उतरणार असून, रणजी स्पर्धेत तामिळनाडूविरुद्ध सौराष्ट्रच्या अखेरच्या एलिट गटाच्या सामन्यात तो खेळताना दिसणार आहे. (Ravindra Jadeja)
जडेजा गेल्या अनेक महिन्यांपासून गुडघ्याच्या शस्त्रक्रियेमुळे संघाबाहेर होता; पण आता तो संघात जोरदार पुनरागमन करण्याच्या तयारीत आहे. पुढील महिन्यात भारत आणि ऑस्ट्रेलिया यांच्यात 4 सामन्यांची कसोटी मालिका होणार आहे. पहिल्या 2 कसोटी सामन्यांसाठीही भारतीय संघ जाहीर करण्यात आला असून, त्यात जडेजाचा समावेश करण्यात आला आहे. या सामन्यांमध्ये जडेजाचे खेळणे त्याच्या फिटनेसवर अवलंबून असले तरीही त्याचा संघात समावेश करण्यात आला आहे. (Ravindra Jadeja)
पण या मालिकेकरिता संघात खेळण्यासाठी जडेजा कोणताही धोका पत्करू इच्छित नाही. त्यामुळे आधी रणजी ट्रॉफीत खेळून जडेजाला आपली लय परत मिळवायची आहे. तामिळनाडूविरुद्ध सौराष्ट्रच्या अखेरच्या एलिट गटाच्या सामन्यात तो खेळताना दिसणार आहे. जडेजाशिवाय जयदेव उनाडकट आणि चेतेश्वर पुजारा यांचाही संघात समावेश करण्यात आला आहे. जडेजा रविवारी टीममध्ये सामील होणार होता.
लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.
'Pudhari' is excited to announce the relaunch of its Android and iOS apps. Stay updated with the latest news at your fingertips.
Android and iOS Download now and stay updated, anytime, anywhere.