पिंपरी: पिंपरी येथील लालबहादूर शास्त्री भाजी मंडईत रविवार (दि. 21) भाजी मंडईमध्ये भाज्यांची आवक कमी असल्यामुळे पालेभाज्या आणि फळ भाज्या; तसेच शेवगा व मटारच्या भावात वाढ झाली आहे.
बाजारात शेवगा आणि मटार 140 रुपये प्रतिकिलो दराने विक्री केली जात आहे. गवार 120 रुपये किलो दराने विक्री केली जात होती. तोंडल्याची आवक कमी असल्याने 100 रुपये किलो भाव आहे. पालेभाज्यांमध्ये इतर भाज्यांचे दर देखील 5 ते दहा रुपये वाढले आहेत. टोमॅटोचे दर 25 - 30 रुपये किलो झाले आहेत. (Latest Pimpari chinchwad News)
कांदे आणि बटाटे यांचे भाव काही प्रमाणात वाढले आहेत. 20 - 25 रुपये किलो कांदे व बटाटे उपलब्ध आहेत. कोथिंबीरची जुडी 20 रुपये तर इतर पालेभाज्या 25 - 30 रुपये जुडी दराने विक्री केली जात आहे. तर हिरवी मिरची 60 रुपये किलो दर होता. तर फळ भाज्यांमध्ये वांगी 60 रुपये किलो, दोडका 70, तर फ्लॉवर 60 रुपये किलो दराने विक्री केली जात आहे. लसूण 100 - 120 रुपये किलो, तर आले 80 रुपये किलो दराने विक्री केली जात आहे.
फळभाज्यांचे दर पुढील प्रमाणे
रविवारी बाजारात गवार 200 रुपये किलो, शेवगा 100, तर मटार 140 रुपये किलो, टोमॅटो 30 रुपये, भेंडी 60, फ्लॉवर 40, कोबी 30 - 40, मिरची 40, गाजर 50, शिमला 70 - 80, लसूण 100 - 120, आले 80, वांगी 60, काकडी 30, कारले 50 - 60, कांदे 100 रुपये 4 किलो, बटाटा 30 रुपये किलो, रताळी 100 रुपये, लाल भोपळा 60, घोसाळी 60, दोडका 80 - 90, तोंडली 80, बीट 50, दुधी 80 - 90, तर घेवडा 80 रुपये किलो दर होता.
पिंपरी बाजारातील दर पाले भाज्यांचे दर (रु.) प्रति जुडी
कोथिंबीर 20, मेथी 30 - 40, पालक 30 - 40, शेपू 20, पुदिना 15, मुळा 25, चवळई 20, लाल माठ 25, कांदा पात 20, करडई 15, आळू पाने 10 रुपये जुडी, चुका 15 रुपये दर होता.
फळभाज्यांचे : किलोचे भाव (किरकोळ रु.)
बीट 80, वाल 70, दोडका 80, कारली 80, भरताची वांगी 60, गवार 200, शेवगा 120, भेंडी 80 ,मिरची 80, फ्लॉवर 40, कोबी 40, वांगी 70, तोंडली 120, घोसळे 70, पडवळ 90, दुधी भोपळा 100, पापडी 80, परवल 50, रताळी 120 रुपये किलो, सुरण 80 रुपये, मद्रास काकडी 60 रुपये, आरबी 60 रुपये, किलो, सिमला 100 रुपये, वाटाणा 150,राजमा 80, राजमा लाल 80, बिन्स 90 रुपये असा दर होता.
मोशी उपबाजारातील घाऊक दर (प्रतिकिलो रु.)
कांदा 10, बटाटा 15, आले 40, लसूण 60, भेंडी 35, गवार 90 , टोमॅटो 10, वाटाणा 90, घेवडा 40, दोडका 35, हिरवी मिरची 30, दुधी भोपळा 25, काकडी 15, कारली 40, गाजर 25, फ्लॉवर 25, कोबी 25, वांगी 35, ढोबळी 40, शेवगा 90, घोसाळी 40, पावटा 40 रुपये प्रतिकिलो दर होता.
मोशी उपबाजारातील दर, आवक (क्विंटल)
फळभाजी 4816 पालेभाजी 79620 (गड्डी), फळे आवक 660,कांदा 830, बटाटा 997, आले 91, लसूण 5, भेंडी 121, गवार 8, टोमॅटो 549, वाटाणा 22, घेवडा 74, दोडका 31, हिरवी मिरची 229, दुधी भोपळा 34, काकडी 210, कारली 66, डांगर 36, गाजर 74, फ्लॉवर 427, कोबी 251, वांगी 86, ढोबळी 52, बीट 28, शेवगा 17, लिंबू 68, मका कणीस 160 क्विंटल अशी आवक झाली.
रताळे, भुईमूगाच्या शेगांची आवक
नवरात्रोत्सवाला सुरुवात झाल्याने उपवासासाठी लागणाऱ्या रताळे आणि भुईमुगाची भाजी मंडईत मोठ्या प्रमाणात आवक झाली आहे. रताळे 100 ते 120 रुपये, तर भूईमुगाच्या शेंगा 70 ते 80 रुपये प्रतिकिलो दराने विक्री केली जात आहे.
नवरात्रीमध्ये अनेकजण उपवास करतात. त्यामुळे रताळे आणि भुईमुगाच्या शेंगाना मागणी वाढली आहे. नवरात्रीमध्ये फक्त बरेजण फक्त कंद वर्गीय फळभाज्यांचे सेवन करतात. तर काही यापासून उपवासाचे विविध पदार्थ बनवून त्याचे सेवन करतात.