नवी दिल्ली, पुढारी वृत्‍तसेवा : रेल्वे मंत्रालयाने हायस्पीड ट्रेनबाबत सर्वेक्षण करण्याचा निर्णय घेतला आहे. रेल्वे कॉरिडॉर. त्यानंतर सविस्तर अहवाल तयार करण्यात येणार आहे. शुक्रवारी राज्यसभेत रेल्वेमंत्री अश्विनी वैष्णव यांनी हायस्पीड ट्रेनबाबत महत्त्वाची घोषणा केली आहे. ते म्हणाले की, दिल्ली-वाराणसी, मुंबई-नागपूर, दिल्ली-अहमदाबाद, मुंबई-हैदराबाद, चेन्नई-बेंगळुरू-म्हैसूर, वाराणसी-हावडा आणि दिल्ली-अमृतसर कॉरिडॉरचे सर्वेक्षण केले जाईल.
मुंबई-अहमदाबाद हायस्पीड रेल्वे या प्रकल्पास विलंब झाल्याची कबुली रेल्वेमंत्री अश्विनी वैष्णव यांनीही संसदेत दिली. महाराष्ट्रातील भूसंपादनाला होणारा विलंब हे त्याचे प्रमुख कारण असल्याचे सरकारने म्हटले आहे. दुसरीकडे, करार अंतिम करण्यात आणखी काही अडचणी आहेत.
गुजरातमधील सुरत येथे बांधण्यात येणाऱ्या बुलेट ट्रेन स्टेशनची पहिली झलक रेल्वे राज्यमंत्री दर्शना जरदोश यांनी गुरुवारी दाखवली. त्यांनी या स्थानकाची चित्रे शेअर केली होती. मुंबई-अहमदाबाद मार्गावर सुरत येथे बुलेट ट्रेन स्टेशन बांधले जाणार आहे.
भारतीय रेल्वे हायस्पीड ट्रेनसाठी उन्नत ट्रॅक बनवण्याच्या शोधात आहे. यासाठी आतापासूनच चर्चा सुरू झाली आहे. हायस्पीड ट्रेन्स श्रेणीमध्ये, 200 किमी प्रतितास पेक्षा जास्त वेग असलेल्या ट्रेन येतील. रेल्वे मंत्री अश्विनी वैष्णव म्हणाले की, या अपग्रेडेशनसाठी सरकारी निधीची आवश्यकता असू शकते आणि जागतिक अनुभवावर आधारित संभाव्य मॉडेलसाठी जागतिक बँकेशी बोलले आहे.
हे ही वाचलं का