Delhi High Court CJP Tiranga March Connaught Place : दिल्ली उच्च न्यायालयाने शुक्रवार, १६ ऑक्टोबर रोजी 'कॉकरोच जनता पार्टी' (CJP) आणि तिचे संस्थापक अभिजीत दिपके यांना 'कनॉट प्लेस' (CP) येथे प्रस्तावित निदर्शने करण्यापासून रोखण्यासाठी कोणताही विशेष आदेश देण्यास आज (दि. १५) नकार दिला आहे. दिल्ली पोलिसांनी न्यायालयाला सांगितले की, ते CJP आणि अभिजीत दिपके यांच्या विरोधात कारवाई करणार आहेत. या प्रकरणाची पुढील सुनावणी ३ नोव्हेंबर रोजी होणार आहे.
पथविक्रेते अनिल कुमार गुप्ता यांनी कनॉट प्लेस येथे प्रस्तावित निदर्शनांना स्थगिती मिळावी, अशी मागणी करणारी याचिका दाखल केली होती.याचिकाकर्त्यांच्या वतीने उपस्थित असलेले ज्येष्ठ वकील सचिन पुरी यांनी, प्रभारी मुख्य न्यायमूर्ती नितीन वासुदेव सांब्रे यांच्या नेतृत्वाखालील खंडपीठाला सांगितले की, CJP ने आवश्यक परवानगी न घेताच निदर्शनांचे आवाहन केले आहे.त्यांनी असेही निदर्शनास आणून दिले की, पोलिसांनी अद्याप अभिजीत दिपके यांच्यावर कोणतीही कारवाई केलेली नाही.
यावर न्यायालयाने दिल्ली पोलिसांकडून उत्तर मागितले. पोलिसांच्या वतीने उपस्थित असलेले अतिरिक्त सॉलिसिटर जनरल चेतन शर्मा यांनी सांगितले की, CJP आणि अभिजीत दिपके यांच्या विरोधात कारवाई केली जाईल.अशा उपक्रमांचे नियमन करण्यासाठी आधीच उपाययोजना सुरू करण्यात आल्या आहेत.
पोलिसांच्या प्रतिसादानंतर, न्यायालयाने सुनावणी ३ नोव्हेंबरपर्यंत तहकूब केली. सुनावणीदरम्यान, सचिन पुरी यांनी खंडपीठाला विनंती केली की, CJP ला निदर्शने करण्यापासून रोखण्यासाठी एक विशेष आदेश जारी करावा., असा आदेश असल्यास नियमांचे उल्लंघन झाल्यास फौजदारी मानहानीचा खटला दाखल करणे सोपे होईल. मात्र, खंडपीठाने स्पष्ट केले की, न्यायालयाने यापूर्वीच एक आदेश दिला आहे आणि या विषयावर अधिक दबाव न आणण्याचे निर्देश दिले आहेत.
याचिकाकर्ते अनिल कुमार गुप्ता यांनी चिंता व्यक्त केली की, जर ही निदर्शने थांबवली गेली नाहीत, तर व्यापाऱ्यांचे मोठे नुकसान होऊ शकते. याचिकेत कनॉट प्लेसचे वर्णन दिल्लीतील एक प्रमुख व्यावसायिक केंद्र म्हणून करण्यात आले आहे आणि असे म्हटले आहे की, सणासुदीच्या काळात होणाऱ्या निदर्शनांमुळे व्यवसायावर गंभीर परिणाम होईल. व्यापाऱ्यांना भीती आहे की, या निदर्शनांमुळे ग्राहकांच्या येण्या-जाण्यावर परिणाम होऊ शकतो आणि कायदा व सुव्यवस्थेची समस्याही निर्माण होऊ शकते.