नागपूर : रेखा अंबुरे यांच्या कुणबी जात प्रमाणपत्राबाबत बीड जिल्हा प्रशासनाचा महत्त्वपूर्ण खुलासा आला आहे. दरम्यान, संबंधित कुणबी प्रमाणपत्र रद्द करण्याबाबत कोणतीही अधिकृत कार्यवाही झालेली नाही, असे जिल्हा प्रशासनाने स्पष्ट केले आहे. रेखा अंबुरे यांची 2025 च्या स्थानिक स्वराज्य संस्थांच्या निवडणुकीत मागास प्रवर्ग–महिला म्हणून निवड झाल्याचा उल्लेख असून त्यांच्या कुणबी नोंदीबाबत आक्षेप नोंदविण्यात आल्याचे पत्रात नमूद असल्याचे महसूल विभागाने स्पष्ट केले आहे.
प्रमाणपत्र रद्द झाल्याच्या बातम्यांबाबत प्रशासनाकडे अधिकृत आदेश किंवा नोंद उपलब्ध नसल्याचे पत्रातून स्पष्ट होते. दुसरीकडे मनोज जरांगे पाटील यांनी प्रसारमाध्यमांना दिलेल्या निवेदनाचा पत्रात संदर्भ देण्यात आला आहे.
मात्र, त्यांच्या निवेदनातील माहिती आणि जिल्हा प्रशासनाच्या अधिकृत नोंदीमध्ये तफावत असल्याचे प्रशासनाने निदर्शनास आणले आहे. यामुळेच रेखा अंबुरे यांचे कुणबी प्रमाणपत्र रद्द झाल्याचे अधिकृतरीत्या सिद्ध करणारा कोणताही आदेश या पत्रानुसार नाल्याचे महसूल विभागाने म्हटले आहे.