ठाणे : दोघांमध्ये झालेल्या वादात मध्यस्थी करत वाद मिटविण्यासाठी समजूत काढीत असतानाच तक्रारदार माथाडी कामगार महेश दत्ताराम कदम (४२) यांच्यावर चौघांनी चॉपरने हल्ला करून जखमी केल्याची घटना ११ नोव्हेंबरला रात्री साडे दहा वा. घडली.
कापूरबावडी पोलीस ठाण्यात चौघांच्या विरोधात गुन्हा दाखल केला आहे. तक्रारदार महेश कदम (४२) असे जखमी कामगाराचे नाव आहे. ११ नोव्हेंबरला रात्री साडेदहाच्या सुमारास ते घरी जात असताना मित्र भेटला.
दोघांमध्ये वादावर चर्चा सुरू असताना राजू, बाबू, बाला आणि प्रशांत तेथे आले. त्यांनी मध्यस्थी करणाऱ्या महेश यांच्याकडे मारहाणीबाबत विचारणा करीत त्यांनी महेश यांच्याशी वाद घातला. त्यानंतर चौघांनी त्यांना मारहाण केली.