Phaltan Electric Shock Incident: सातारा जिल्ह्यातील फलटण तालुक्यात खामगावमध्ये एक धक्कादायक आणि ह्रदयद्रावक घटना घडली आहे. विजेच्या शॉकने पारधी समाजातील एकाच कुटुंबातील चौघांचा जागीत दुर्दैवी मृत्यू झाला आहे. हे चौघेजणं एकमेकांना वाचवण्याचा प्रयत्न करत होते. त्यातच त्यांचा मृत्यू झाला.
मृतांमध्ये सतीश उर्फ पिसुरड्या किसन शिंदे (वय ४५), गंगू सतीश शिंदे (वय ४०), सचिन सतीश शिंदे (वय २६), आरती सतीश शिंदे (वय २४) यांचा समावेश आहे. हे सर्वजण खामगावमधील साखरवाडी भागात रहात होते.
मिळालेल्या प्राथमिक माहितीनुसार आज (दि. ८ जुलै) सकाळी ६ वाजण्याच्या सुमारास सतीश यांना बल्ब काढताना विजेचा झटका लागला. त्यांना वाचवण्याच्या प्रयत्नात पत्नी आणि २ मुले यांना देखील विजेचा झटका लागला अन् त्यांचा जागीच मृत्यू झाला.