रोहा मेढा, पुढारी वृत्तसेवा : रेल्वे पटरीवरून कानात इयरफोन घालून पायी चालत जाणाऱ्या तरुणाला पनवेलकडून रोहाकडे जाणाऱ्या नेत्रावती एक्सप्रेसने उडविले. यात तरुणाचा मृत्यू झाला. ही घटना सोमवारी (दि.८) दुपारी घडली. जयराम कृष्णा वाघमारे (वय २३, रा. रेवोली आदिवासी वाडी, ता. रोहा) असे मृत तरुणाचे नाव आहे. याप्रकरणी रोहा पोलीस ठाण्यात आकस्मित मृत्यूची नोंद झाली आहे. Raigad
याबाबत मिळालेल्या माहितीनुसार, मृत जयराम कृष्णा वाघमारे हा रोहा तालुक्यातील मेढा गावाच्या हद्दीतील पोल क्रमांक १३७/१६ जवळील रेल्वे पटरीवरून कानात इयरफोन घालून पायी चालत जात होता. यावेळी पनवेलकडून रोहाच्या दिशेने येणाऱ्या नेत्रावती एक्सप्रेसने त्याला ठोकर दिली. यात जयरामला गंभीर दुखापत होऊन त्याचा मृत्यू झाला.
हेही वाचा