खांदा कॉलनी : नियमित गणेशोत्सवाची धामधुम सुरु असतानाच आता गौरी-गणपतीच्या पुढील पितृपक्षाच्या काळात येणाऱ्या साखरचौथ गणपती सार्वजनीक गणेशोत्सवासाठी पनवेलमध्ये काही ठिकाणी मंडप उभारण्यास सुरुवात झाली आहे. गणरायाच्या स्वागतासाठी मंडळांचे कार्यकर्ते मंडप उभारणी आणि सजावटीच्या कामात व्यस्त झाले आहेत.
गौरीच्या आगमनाचीही घराघरांत तयारी सुरू झाली असून महिला वर्गामध्ये विशेष उत्साह पाहायला मिळत आहे.गौरीच्या पूजेसाठी लागणारे साहित्य, फुले, हार, फळे आणि विविध सजावटीच्या वस्तूंची खरेदी सुरू झाली आहे.
गणपती आगमनानंतर आता गौरीच्या आगमनामुळे पुन्हा एकदा घराघरांत भक्तिमय वातावरण निर्माण झाले आहे.अनेक कुटुंबांमध्ये गौरीचे पारंपरिक पद्धतीने स्वागत करण्याची तयारी सुरू आहे.गौरीच्या सजावटीसाठी आकर्षक आरास करण्याचे नियोजन महिलांकडून केले जात आहे.
पनवेलच्या बाजारपेठेत गौरीच्या पूजेसाठी आवश्यक साहित्य दाखल झाले आहे.त्यामुळे बाजारपेठेतही सणासुदीची लगबग दिसून येत आहे.साखरचौथ गणपतीसाठी काही सार्वजनिक मंडळांनी आकर्षक देखावे उभारण्याची तयारी सुरू केली आहे.
मंडपाच्या ठिकाणी विद्युत रोषणाई आणि सजावटीचे साहित्य आणण्यास सुरुवात झाली आहे. कार्यकर्त्यांकडून मंडपाची उभारणी आणि परिसर स्वच्छतेची कामे केली जात आहेत. गौरी-गणपतीच्या निमित्ताने नातेवाईक आणि आप्तेष्टांच्या भेटीगाठींनाही सुरुवात होणार आहे. पितृपक्षाच्या पार्श्वभूमीवर धार्मिक परंपरा आणि उत्सव यांचा अनोखा संगम या काळात पाहायला मिळतो.गौरीच्या आगमनासाठी महिला वर्गाकडून पारंपरिक पद्धतीने तयारी केली जात आहे.
घरातील गौरीची आरास, पूजेची तयारी आणि नैवेद्याची लगबग सुरू झाली आहे.काही ठिकाणी गौरीच्या स्वागतासाठी आकर्षक सजावट करण्याचे नियोजन करण्यात आले आहे.साखरचौथ गणपतीच्या आगमनाला अवघे काही दिवस उरल्याने मंडळांची धावपळ वाढली आहे.पनवेल शहरातील विविध भागांत मंडप उभे राहू लागल्याने उत्सवाची चाहूल पुन्हा एकदा लागली आहे.
गौरी-गणपतीच्या निमित्ताने बाजारपेठेत फुले आणि पूजासाहित्याला मागणी वाढण्याची शक्यता आहे. परंपरा जपत आधुनिक सजावटीचा साज चढवण्याची तयारी मंडळांकडून केली जात आहे.पितृपक्षात येणाऱ्या या धार्मिक सोहळ्यामुळे भक्तिमय वातावरण निर्माण होणार आहे.गौरीच्या स्वागतासाठी महिला वर्ग सज्ज असून साखरचौथ गणपतीच्या तयारीलाही वेग आला आहे.