केडगाव: वाखारी(ता दौंड) येथील शेळके कुंभार वस्ती ट्रान्सफॉर्मर सुरु करण्याची कार्यवाही तातडीने न झाल्यास पुणे-सोलापूर महामार्ग अडवून आंदोलनाचा करण्याचा इशारा येथील शेतकरी व वाखारी ग्रामपंचायतचे सदस्य औदुंबर शेळके यांनी दिला आहे
याबाबत त्यांनी दिलेल्या निवेदनात म्हटले आहे की, शेळके कुंभार वस्ती येथे नऊ महिने पुर्वी ट्रान्सफॉर्मर बसवला आहे परंतु हा ट्रान्सफॉर्मर मुख्य लाईनच्या कनेक्शन अभावी बंद आहे, सदर ट्रान्सफॉर्मर साठी लागणारी मुख्य लाईन जोडण्यासाठी पुणे-सोलापूर महामार्ग क्रॉसिंगची परवानगी नसल्याने व त्याचे अंदाजपत्रक मंजूर नसल्याने झाली नाही अशी माहिती महावितरणचे अधिकारी शेतकऱ्यांना देत आहेत तरी आम्ही वाखारी येथील नागरिक गेल्या ९ महिन्यांपासून वीज वितरणासाठी आवश्यक असलेला ट्रान्सफॉर्मर बंद असल्यामुळे रोजच्या कामात प्रचंड अडथळे येत आहेत व त्यामुळे कमी दाबाने होत असलेल्या वीजपुरवठ्यामुळे उपकरणे बंद पडणे, जळणे असे प्रकार घडत आहेत अनेक वेळा स्थानिक महावितरणच्या कार्यालयाशी संपर्क करूनही अद्यापपर्यंत कोणतीही ठोस कार्यवाही झालेली नाही.
या विघ्नामुळे शेतकरी, विद्यार्थी, लहान उद्योगधंदे तसेच दैनंदिन जीवन पूर्णपणे विस्कळीत झाले आहे. विहीर पंप, दुधाचे व्यवसाय, कोल्ड रूम यंत्रणा इत्यादी कामे ठप्प झाली आहेत. यामुळे आर्थिक दृष्टिकोनातून मोठे नुकसान होत आहे.
यासंदर्भात आम्ही महावितरण कडून अनेक वेळा निवेदने दिली असून देखील अद्याप ट्रान्सफॉर्मर सुरु करण्यात आलेला नाही. त्यामुळे आता आमची सहनशक्ती संपत आली आहे. जर पुढील ६ दिवसांत ट्रान्सफॉर्मर सुरु करण्यात आला नाही, तर संपूर्ण गावकरी व नागरिकांच्या वतीने आम्ही राष्ट्रीय महामार्ग क्रमांक ९ वर ठिय्या आंदोलन करणार आहोत. असे महावितरण ला दिलेल्या निवेदनात म्हटले आहे
वाखारी मधील ट्रान्सफर बसवून नऊ महिने झाल्यानंतर महावितरण व ठेकेदार यांना समजलं की या ठिकाणी पुणे सोलापूर महामार्ग क्रॉसिंग ची परवानगी घ्यावी लागणार आहे. किंवा नवीन केबल टाकण्यासाठी अंदाजपत्रक तयार करावा लागणार आहे. मग अगोदर ट्रान्स्फर काय हवेवर चालवणार होता काय असा सवाल वाखारी येथील शेतकऱ्यांनी उपस्थित केला आहे