पुणे: गणेश पेठ येथील मासळी बाजारात होत असलेल्या मागणीच्या तुलनेत आवक कमी पडल्याने सुरमई, हलवा, रावस, कापरीच्या भावात दहा टक्क्यांनी वाढ झाली आहे. मार्गशीर्ष सुरू असल्याने व्यापारी वर्गाकडून कमी प्रमाणात मासळी मागविण्यात येत आहे. बाजारातील आवक जावक कायम असल्याने बहुतांश मासळीचे गत आठवड्यातील घटलेले दर टिकून आहेत. याखेरीज, मटण, चिकन आणि अंडीचे दरही स्थिर असल्याचे सांगण्यात आले.
गणेश पेठेतील मासळी बाजारात रविवारी (दि. 14) खोल समुद्रातील मासळी 10 ते 15 टन, खाडीच्या मासळीची सुमारे 200 ते 250 किलो आणि नदीच्या मासळीची 500 ते 700 किलो इतकी आवक झाली. आंध्र प्रदेश येथून रहू, कटला आणि सिलनची सुमारे 15 ते 20 टन इतकी आवक झाली.
खोल समुद्रातील मासळी (प्रतिकिलोचे दर) - पापलेट : कापरी : 1800-2000, मोठे : 1500-1600, मध्यम : 1000-1200, लहान : 800-900, भिला : 700-800, हलवा : 650-750, सुरमई 600-900, रावस : 700-800, घोळ : 800-850, करली : 350-400, करंदी : 400-450, भिंग : 400-450, पाला : 1200-1400, वाम : पिवळी 900- 1000, काळी : 300-350, ओले बोंबील : 160-200.
कोळंबी : लहान : 180-340, मोठी : 400-600, जम्बो प्रॉन्स : 1500-1600, किंग प्रॉन्स : 800, लॉबस्टर : 2000-2200, मोरी : 300-400, मांदेली : 100-140, राणीमासा : 200-240, खेकडे : 400-500, चिंबोऱ्या : 600-700. खाडीची मासळी - सौंदाळे : 250-300, खापी : 200-250, नगली : 400-800, तांबोशी : 500-600, पालू : 250-300, लेपा : 250-300, बांगडा : 160-250, शेवटे : 250-300, पेडवी : 120-160, बेळुंजी : 100-150, तिसऱ्या : 300-350, खुबे : 100- 150, तारली : 160-200.
नदीतील मासळी : रहू : 160-200, कतला : 180-250, मरळ : 350-400, शिवडा : 200- 250, खवली : 200-250, आम्ळी : 120-160, खेकडे : 250-350, चिलापी : 60-180, वाम : 550-600. मटण : बोकडाचे 800, बोलाईचे 800, खिमा 800, कलेजी 840. चिकन 230, लेगपीस 280, जिवंत कोंबडी 150, बोनलेस 330. अंडी : गावरान (शेकडा) 1410, डझन 180, प्रतिनग 15. इंग्लिश (शेकडा) 700, डझन 96, प्रतिनग 8.