पुणे: लग्नसराईमध्ये खंड पडल्याने बाजारात शोभिवंत फुलांच्या मागणीत मोठी घट झाली आहे. परिणामी, डच गुलाब, कार्नेशियन, जर्बेरा, लिलियम, ऑर्चिड आदी शोभिवंत फुलांचे गत आठवड्यातील दर कायम आहेत.
याखेरीज, बाजारात, झेंडू, शेवंती, ॲस्टर आदी सुट्या फुलांचीही आवकही वाढली आहे. मात्र, त्यातुलनेत मागणी खूपच कमी असल्याने त्यांचेही गत आठवड्यातील घसरलेले दर स्थिर असल्याचे व्यापारी वर्गाकडून सांगण्यात आले.
फुलांचे प्रतिकिलोचे दर पुढीलप्रमाणे : झेंडू : 10-25, गुलछडी : 80-150, ॲस्टर : जुडी 10-20, सुटा 80-100, कापरी : 30-40, शेवंती : 50-100, गुलाबगड्डी (गड्डीचे भाव) : 60-70, गुलछडी काडी : 60-100, डच गुलाब (20 नग) : 100-300, जर्बेरा : 30-60, कार्नेशियन : 150-200, शेवंती काडी 200-300, लिलियम (10 काड्या) 800-1200, ऑर्चिड 500-600, ग्लॅडिओ (10 काड्या) : 80-120, जिप्सोफिला : 200-300, लीली बंडल : 8-10.