पुणे; पुढारी वृत्तसेवा : Pune Crime पिस्तूलातून दोन राऊंड फायर करीत चोरट्याने चोरी करण्याचा प्रयत्न केला. ही घटना खडकमाळ आळी गणपती शेजारच्या हिना टॉवरमध्ये घडली. पोलिसांना नागरिकांच्या मदतीने चोरट्याला पकडण्यात यश आले. विठ्ठल भोळे असे अटक केलेल्या चोरट्याचे नाव आहे.
अटक केलेला आरोपी हा पोलिसांच्या रेकॉर्डवरील गुन्हेगार आहे. नुकताच तो कोविड रजेवर कारगृहातून सुटल्याचे समजते. तो चोरी करण्याच्या हेतूने तो परिसरात आला होतो.
एका घरात चोरीचा प्रयत्न केल्यानंतर तो पळून जात होता. दरम्यान एका स्थानिक तरुणाने त्याला पाहिले. त्यानंतर त्याचा पाठलाग तरुणाने केला. त्यावेळी चोरट्याने गावठी पिस्तूलातून गोळी झाडली. या गोळीबारात तो तरुण जखमी झाला. मात्र जखमी अवस्थेतही त्या तरुणाने चोराचा पाठलाग केला आणि त्याला पकडले.